Ganacsatada Qaadka oo maalinta labaad Qaad ka dejisay magaalada Jowhar

 Image result for qaad

Ganacsatada qaadka ka keenta dalka Kenya ee geyn jiray magaalada Muqdisho ayaa maalintii labaad waxay mar kale ka soo dejiyeen Qaad garoonka diyaaradaha magaalada Jowhar.

Dhowr Diyaaradood oo Qaad sida ayaa saaka ka degay garoonka diyaaradaha Jowhar, iyadoo saaka la arkay gaadiid fara badan oo durbaba bilaabay inuu qaadka u daabulo magaalada Muqdisho.

Khilaaf u dhaxeeya Ganacsatada Qaadka iyo Wasaaradda Maaliyadda ayaa sababay in Ganacsatada go’aan ku gaaraan in aysan Muqdisho ka dejin diyaaradihii Qaadka, kaddib markii canshuuro dheeraad ah lagu kordhiyay.

Ganacsatada ayaa ka cabanaya in halkii Kiilo ee Qaad lagu canshuurayo wixii hada ka dambeeyay lacag dhan 53,000 shiling Soomaali, iyadoo dollar ahaan u dhigmo $2.5 (Labo Dollar iyo Bar), halka markii hore lagu canshuuri jiray 43,000 shiling Somali $1.5, (Hal Dollar iyo Bar).

Mid ka mid ah ganacsatada qaadka ayaa u sheegay shabakada Jowhar.com in adeeg wanaagsan iyo soo dhoweynba ay ka heleen mas’uuliyiinta maamulka gobolka Sh/dhexe ayna u mahadcelinayaan.

Dowladda Dhexe ee Soomaaliya ayaa maalintii labaad lumineysa kumanaan dollar oo ka soo geli jiray Canshuuraha laga qaado Qaadka laga keena dalka Kenya, waxaana tani ay faa’ido iyo fursadba u tahay Maamulka Hirshabeelle.

Ganacsatada Qaadka ayaa ku adkeysanaya in aysan marnaba ka laaban doonin go’aankooda ay Qaadka uga joojiyaan, inta arrintan ka soo fara gelinayana Madaxda dowladda, isla markaana wax laga qabanayo xaaladan soo korortay.

Halkaan ka dhageyso wareysiga

Qolka Ay Isku Bartaan Guurdoonka Soomaaliyeed 

Mareykanka 001 7124326996 

United kingdom 00443306061358

Sweden 0046840308879

Soth AFrica 0027121003058

Norway 004721939528

Belgium 003225887027

Australia 0280725143

Ausria 4312675954

RIIX Number 8 Kadibna 5454

English News
WARARKII