Taliyaha Ciidanka Boliiska Soomaaliyeed Sarreeye Guuto Asad Cismaan Cabdullaahi ayaa xarunta Daraawiishta Boliiska ku soo dhaweeyey Madaxa Xafiiska EUCUP Soomaaliya Kestutis LANCINSKAS oo Wakiil uga ah Midowga Yurub taageerada ay siiyaan Ciidamada Daraawiishta Boliiska.
Ciidamada Daraawiishta ayaa ah kuwo la baray shuruucda iyo xirfadaha Boliisku ku shaqeeyo waxayna u xilsaaran yihiin ilaalinta xuquuqda mawaadiniinta, ka shaqeynta Baraha Kantaroolada iyo ilaalinta sharciga iyo kala dambeynta.
Taliye Asad ayaa Ciidamadan si gaar ah uga Mahadceliyey siday u sugeen Amniga isagana xilsaareen sugidda Amniga muwaadiniintii Soomaaliyeed ee halka milyan gaarayey ee isu Diiwaangeliyey Doorashada Qof iyo Cod ee dhawaan la rajeynayo in Dalka laga Hirgeliyo.
