QAZA (DAYNIILE.COM)- Baraha bulshada iyo warbaahinta ayaa lagu shaaciyay 27 jir u dhashay Dalka Falastiin oo Qaza ugu geeriyooday gaajo iyo haraad.
Wiilkaan oo magaciisu lagu sheegay Mohammed Al-Sawafeeri ayaa macaluusha ka muuqata wuxuu muuqaal ahaan wajigiisa isku badalay odey waayeel ah.
Inta badan shacabka reer Gaza ayaa laga cabsi qabaa inay u wada geeriyoodaan cunto iyo biyo la’aanta soo wajahday kadib go’doon ay geliyeen ciidamada Israa’iil kuwaasoo xitaa diiday gar-gaarkii banaanka uga iman jirey.
Waxaa calool xumo ah in Carabta iyo guud ahaan Muslimiinta kalaba aysan maanta awoodin inay reer Gaza xitaa gar-gaar raashin iyo dawo gaarsiiyaan iska daa inay ka difaacaan Yuhuuda sida arxan la’aanta ah taangiyada iyo diyaaradaha dagaalka ku xasuuqaya shacabka reer Gaza.
XAFIISKA WARARKA SIYAASADA
DAYNIILE.COM
