XIGASHO LAACIB.NET
Saxafiga lagu kalsoon yahay ee Fabrizio Romano ayaa shaaca ka qaaday in Arsenal aysan wax qorshe ah u lahayn inay iibiso ciyaaryahankeeda reer Belgium Leandro Trossard, kadib warar dhawaan la xiriiriyay inuu u dhaqaaqi karo kooxda Turkiga ah ee Besiktas.
Romano ayaa sheegay in Trossard uu horey ula heshiiyay Gunners bishii August si uu u saxiixo qandaraas cusub, iyadoo heshiiskiisa hadda uu dhacayo Juun 2026. Taasi waxay ka dhigan tahay in Arsenal gebi ahaanba xirtay albaabka bixitaanka xiddigan isla markaana ay mar kale xaqiijisay kalsoonida buuxda ee ay ku qabto.
Trossard ayaa noqday mid ka mid ah tiirarka weerarka ee tababare Mikel Arteta, isagoo soo bandhigay qaab ciyaareed joogto ah tan iyo markii uu uga soo biiray kooxda Brighton. Saameyntiisa ayaa ka dhigaysa mid aan sahlaneyn in Arsenal ay fasaxdo, maadaama uu si joogto ah u sameeyo goolal iyo caawin muhiim ah.
XIGASHO LAACIB.NET
