Af-hayeenka Booliiska Soomaaliya Sadiiq Adan Cali (Doodishe) ayaa ka hadlay dhacdooyinkii asbuucii la soo dhaafay ka dhacay Muqdisho iyo Gobolada Dalka.
Af-hayeenka wuxuu sheegay in asbuucaan ay dheceen 8 dil kuwaasoo isugu jira dilal ay fuliyeen Alshabaab iyo kuwo aano qabiil u dhacay.
Sidoo kale Af-hayeenka wuxuu xusay in 4 qarax uu dhacay kuwaasoo 3 ka mida ay ka dhaceen Muqdisho.
“Waxaa kale oo jira 8 dhaawaca iyo 3 shil uu ku jirey dad ka kacay Xamar iyo Buulo-burde” ayuu yiri.
Af-hayeenka wuxuu dhanka kale faray ganacsatada aan wali goobahooda ku xiran kaamiroyinka inay xirtaan.
“Khawaarijta oo rabta inay cabsiiso dadka kaamirooyinka xirtay ayaa bartilmaameed-sanaya shacabka laakiin waxaa ka tab batay shacabka iyo Dowlada iskaashanaya wayna hirgeliyeen”ayuu yiri Afhayeen Sadiiq Adan Cali (Doodishe)
XAFIISKA WARARKA
DAYNIIILE.COM