Dagaalameyaasha Al-Shabaab ayaa lagu waramay in ay go’doon geliyeen caasimada ku meelgaarka maamulka Koonfur Galbeed ee Baydhabo.

Illo dhanka amniga ah ayaa sheegaya in kooxda ay xirtey jidadka gala xarunta gobolka Baay taas oo xayirtey gaadiidka wada raashiin iyo dad.

Advertisement

Xayiraadan ayaa waxaa ka dhashay kor-u-kac ku yimid qiimaha cuntooyinka muhiimka ah taas oo laga cabsi qabo in ay isku rogto sicir-barar.

Qof kamid ah dadka degaanka ayaa u sheegay warbaahinta in qiimaha kiilada bariiska uu marayo labo doolar ilaa 35 kun shilin Soomaali ah.

Go’doominta ay Al-Shabaab kusoo rogtey Baydhabo waxa uu soo degdegay markii maamulka Koonfur Galbeed uu is-hortaagay macalimiin ay u yeertey kooxda,” ayuu raaciyey hadalkiisa.

Sicir-bararkan ayaa si gaar ah waxa uu u saameeyay dan yarta. Illaa haatan, ma jiro wax war ah oo maamulka Koonfur Galbeed uu kasoo saartey xayiraadan.

Baydhabo ayaa waxa ay u hoy u tahay boqolaal shacab ah kuwaas oo horey uga soo barakacay degaanada kale ee ay go’doomisay Al-Shabaab.

Maamulka Cabdicasiis Laftagareen ayaa waxaa la sheegay inuu si weyn uga gaabiyey xoreynta degaanada Koonfur Galbeed ee wali baaqiga ku ah gacanta kooxda hubeysan.

Previous articleWaa maxay filashada Shacabka ee ku aaddan shirka shalay Muqdisho uga furmay Madaxweyne Xassan Sheekh iyo madaxdii hore ee dalka?
Next articleOdiyaasha Gaarisa oo digniin u diray siyaasyiinta Jubbooyinka oo ku howlan in

LEAVE A REPLY

Please enter your comment!
Please enter your name here