XIGASHO LAACIB.NET
Xiddiga garabka uga ciyaara Chelsea, Alejandro Garnacho, ayaa muujiyay kalsooni buuxda ka hor lugta labaad ee semi-finalka Carabao Cup ee ay Blues ku wajahayaan Arsenal garoonka Emirates.
Chelsea ayaa guuldarro 3–2 ah kala kulantay Arsenal kulankii hore ee Stamford Bridge, balse Garnacho ayaa rumeysan in soo kabashadu ay suurtagal tahay.
“Qof walba wuu ogyahay sida ay u adag tahay in Emirates lagu ciyaaro,” ayuu Garnacho u sheegay barnaamijka ciyaarta ee Chelsea. “Laakiin hadda aragtidayda way is beddeshay. Haddii Manchester United ku badisay halkaas, annaguna waan awoodnaa.”
Garnacho ayaa carrabka ku adkeeyay in farqigu yahay hal gool oo keliya, taasoo ka dhigaysa kulanka mid si buuxda u furan.
Chelsea ayaa u baahan guul ay ku gaarto finalka, iyadoo rajeynaysa inay jebiso rikoodhka Arsenal ee garoonkeeda xilli ciyaareedkan.
XIGASHO LAACIB.NET
