XIGASHO LAACIB.NET
Halyeeyga kubadda cagta Talyaaniga Alessandro Del Piero ayaa sheegay in Bayern Munich ay haatan tahay kooxda ugu cadcad inay ku guuleysato UEFA Champions League, isagoo ka horreysiiyay Arsenal.
Del Piero ayaa arrintan ka sheegay barnaamij ka baxa CBS Sports, kaddib markii Bayern Munich ay 6-1 ku garaacday Atalanta B.C. kulankii lugta hore ee wareegga 16-ka.
Sida uu sheegay halyeeygii hore ee Juventus, Bayern ayaa haatan noqotay kooxda ugu xooggan ee loo saadaalinayo tartanka.
“Runtii waxaan aaminsanahay in waqtigan ay yihiin kooxda ugu fiican,” ayuu yiri Del Piero.
Wuxuu intaas ku daray in dhowr bilood ka hor ay Arsenal u muuqdeen koox aad u xooggan, balse hadda xaaladdu ay is beddeshay.
“Waxaa laga yaabaa laba bilood ka hor in Arsenal ay wax gaar ah lahaayeen. Laakiin aragtidayda, kooxaha kale hadda wax yar ayay la tacaalayaan.
“Sidaas darteed Bayern waxay leedahay fursad ka badan kooxaha kale inay ku guuleysato Champions League.”
XIGASHO LAACIB.NET
