KISMAAYO (DAYNIILE.COM)-Dagaalamayaasha Kooxda Alshabaab ayaa sheegtay inay weerar khasaare gaystay ku qaadeen xalay ciidamo Mareykan ah oo degan meel ku dhaw garoonka diyaaradaha Magaalada Kismaayo ee xarunta Maamulka Jubaland.
Alshabab waxay warkooda ku xuseen inay weerarkasi oo hoobiyayaal ay u adeegsadeen ay ku dileen saraakiil iyo ciidamo Mareykan ah oo saldhigaasi ku sugnaa halka kuwo kalana ay dhaawaceen balse war durba ka soo baxay Mareykanka ayaa lagu beeniyay.
Al-shabaab waxay intaasi ku dareen inay weerarkan uu ahaa mid aargoosi ah, oo ay ugu aargudayeen weerarada lagu xasuuqayo shacabka reer Falastiin gaar ahaan kuwa ku dhaqan marinka Qaza.
War ay barta X ku soo qoreen Taliska Mareykanka ee Africom ayaa ugu horeyn ku qirtee weerarka laakiin waxay sheegeen inuusan jirin wax khasaare ah oo ciidamadooda ka soo gaaray, iyagoona waxkama jiraan ka soo qaaday sheegashada Alshabaab.
“Ma jiro wax khasaare ah oo soo gaaray ciidamadeen, saldhiga iyo hantida Isbahaysiga”ayaa lagu yiri warka ka soo baxay taliska Africom
XAFIISKA WARARKA SIYAASADA
DAYNIILE.COM
