XIGASHO LAACIB.NET
Tababaraha Liverpool, Arne Slot, ayaa magacaabay saddex kooxood oo uu ku sheegay in ay ka xamaasad badan yihiin kooxdiisa Liverpool.
Liverpool ayaa Jimcaha ku martigelin doonta Bournemouth garoonka Anfield kulanka furitaanka. Ka hor kulankaas, Slot ayaa ammaan u jeediyay wiilasha uu hogaamiyo Andoni Iraola, isagoo ku tilmaamay mid ka mid ah kooxaha ugu adag ee la wajaho.
Bournemouth ayaa xilli ciyaareedkii hore ku dhammaystay kaalinta sagaalaad ee horyaalka Ingiriiska, waxaana Slot uu sheegay in ay yihiin “kooxda ugu xamaasadda badan horyaalka” – halka Newcastle United ay ku jirto kaalinta labaad, Arsenal-na ay ku jirto kaalinta saddexaad marka la eego xamaasadda iyo xawaaraha ciyaarta.
Slot ayaa u sheegay wariyeyaasha:
“Bournemouth waxaa la dhihi karaa kooxda ugu xamaasadda badan horyaalka xilli ciyaareedkii hore marka la eego xawaaraha ciyaaraha. Ka dib Newcastle iyo Arsenal, taas ayaana muujinaysa sida horyaalkani u adag yahay. Bournemouth waa koox aan la dhayalsan karin.”
XIGASHO LAACIB.NET
