XIGASHO: LAACIB.NET
Kooxda Arsenal ayaa la kulantay laba dhaawac oo waaweyn, toddobaad ka hor inta aysan la ciyaarin Liverpool, kulan muhiim u ah tartanka horyaalka Premier League.
Kabtanka kooxda, Martin Ødegaard, ayaa garoonka ka baxay qeybtii hore kadib dhaawac garabka ah, waxaana wali la xaqiijin la’yahay inta uu maqnaan doono.
Dhibaatada Arsenal ayaa sii badatay markii Bukayo Saka la beddelay qeybtii labaad kadib dhaawac muruqa bowdada ah. Sida ugu wanaagsan ee la filan karo, Saka wuxuu maqnaan doonaa dhowr toddobaad haddii aan lagu degdegin soo celintiisa.
Arsenal ayaa Emirates ku soo dhaweyn doonta Liverpool Axadda, 31-ka August, iyadoo Gunners ay haystaan laba maalmood oo nasasho dheeri ah. Si kastaba, dhaawacyadan cusub ayaa khatar weyn ku noqon kara fursadooda kulankaas.
XIGASHO: LAACIB.NET
