XIGASHO LAACIB.NET
Tababaraha Arsenal, Mikel Arteta, ayaa qirtay in kooxdiisu ay si fudud u siisay Manchester United guusha kulankii 3–2 ee ka dhacay Emirates Stadium, iyadoo guuldarradaasi soo af-jartay rikoodh adag oo ay Gunners ku difaacday garoonkeeda.
“Markaan khasaarno, aniga ayaa qaata masuuliyadda, waxaana difaacayaa ciyaartoyda,” ayuu yiri Arteta kaddib ciyaarta.
“Anaga ayaa si sahlan ugu hibeynay United guusha. Haddii aad rabto inaad ku guuleysato, waa inaad ka gudubtaa waqtiyo culus. Ma sugi kartid inaad guuleysato kulan walba, taas waa wax aan macquul ahayn.”
Arteta ayaa sheegay in guuldarradan ay yaraysay farqiga dhibcaha ee horyaalka, isla markaana ay tahay in kooxdu si degdeg ah uga jawaabto:
“Farqiga dhibcaha aad buu u yaraanayaa. Waa inaan si sax ah uga falcelinnaa oo aragnaa awooddeenna dhabta ah. Champions League ayaa na sugaya. Ma ahayn maalintayadii, waxaan weynay dardartii nalagu bartay.”
Arsenal ayaa horyaalka Premier League hogaaminaysa, balse guuldarradan ayaa ka dhigtay tartanka mid aad u furan iyadoo City iyo Villa ay soo dhowaadeen.
XIGASHO LAACIB.NET
