Wareejinta saldhiggan waxay waafaqsan tahay Qaraarka Golaha Ammaanka ee Qaramada Midoobay, kaasoo sheegaya in ATMIS ay si tartiib tartiib ah mas’uuliyadda amniga ugu wareejiso Dowladda Federaalka Soomaaliya.
Taliyaha ATMIS ee aaggan, Maj. Leonce Segetera, ayaa xaruntan ku wareejiyay taliyaha ciidanka Xoogga dalka ee aaggaas, Xasan Axmed Xasan, iyadoo munaasabadda uu goob joog ka ahaa sarkaalka ATMIS u qaabilsan dhanka saadka, Col. Collins Musau, iyo saraakiil sare oo ka tirsan ATMIS iyo SNA.
“Waxaan ku kalsoonahay in ciidanka xoogga dalka Soomaaliyeed ay awood u yeelan doonaan in ay gudan karaan waajibaadkooda amniga ee aaggan,” ayuu yiri Lt. Col. Musau.
Taliyaha Ciidanka XDS, ee saldhiggan Xasan Axmed Xasan, ayaa sheegay inay diyaar u yihiin inay sugaan ammaanka deegaanka.