Xildhibaannada Baarlamaanka dowlad Goboleedka Galmudug ayaa Maanta oo Talaado ah waxaa ay kulan ku yeesheen Magaalada Dhuusamareeb ee Caasimadda galmudug, iyaga oo muddo kordhin u sameeyay Madaxweyne Axmed Cabdi Kaariye (Qoor Qoor).

Kulanka oo uu shir guddoominayay Guddoomiyaha Baarlamaanka Galmudug Maxamed Nuur Gacal ayaa Ajandihiisa waxaa uu ahaa wax ka bedel lagu sameeynayay Dastuurka Galmudug, waxaana Xildhibaannada ay cod gacantaag ah ku ansixiyeen in muddo xileedka Madaxweynaha & Xukuumadda ay noqdaan muddo  sano ah oo ka bilaabaneysa markii la doortay

Guddoonka Baarlamaanka Galmudug oo ku dhawaaqay natiijada ayaa sheegay inay ansixiyeen 56 mudane in muddo xileedka Madaxweynaha oo ahaa Afar Sano laga dhigo muddo 5 sano ah.

Muddo kordhinta Maanta ay Baarlamaanka Galmudug u sameeyeen Madaxweynae Axmed Cabdi Kaariye ( Qoor Qoor) ayaa socotay muddooyinkii la soo dhaafay, iyada oo siweyn looga dareemayay Magaalada Dhuusamareeb.

Madaxda maamulada Jubbaland, Koonfur Galbeed, HirShabeelle & Jubbaland ayaa hore u sameestay muddo korarsi nuucaan ah, ilaa hadana dowladda Soomaaliya ma cadeynin mowqifkeeda ku aadan muddo korarsiga madaxda maamulada.

LEAVE A REPLY

Please enter your comment!
Please enter your name here