Garowe (dayniiile.com)-Mudanayaasha Baarlamaanka Maamulka Puntland ayaa beri subax waxay u balansan yihiin shirkii doraad la baajiyay kaasoo go’aan looga qaadanayo wax-ka beddelka xeerka doorashooyinka qof iyo cod.
Shirkaan iyo ajandihiisa ayaa waxaa hore uga digay mucaaradka Siciid Dani kuwaasoo ku hanjabay hadii shirkaasi qabsoomo wixii ka yimaada inuu masuul ka noqon doono Saciid Dani.
ka shaqaynta xeerka doorashooyinka ayaa baarlamaanku wuxuu u saaray gudi gaara kuwaasoo lagu wado inay xildhibaannada warbixintooda u jeediyaan, ka hor inta aysan bilaaban doodda wax-ka beddelka xeerka.
Dhanka kale wararka caawa laga helaayo Garowe ayaa sheegaya in dumar reer puntland ah ay caawa dibad baxa ka hor sameeyen Xarunta Madaxtooyada Puntland kuwaasoo diidan inuu qabsoomo shirka Baarlamaanka si dagaal looga baaqsado.
Dadkaan shacabka oo u badan Dumar ayaa sheegay inay ilaa bari subax joogi doonaan halkaasi inkastoo markij danbe uu Xildhibaan ree Puntland ah ku qanciyay haweenka inay xaafadahooda u hoydaan.
XAFIISKA WARARKA
DAYNIIILE.COM
