Baarlamaanka Puntland oo saaka fadhi yeeshay ayaa shaaciyay inay xilka ka qaadeen Cabdirashiid Yuusuf Jibriil oo xubin ka ahaa baarlamaankaasi islamarkaana soo noqday Gudoomiyaha Golahaaasi.
Baarlamaanka Puntland ayaa kulankooda saaka cod buuxa ku meel-mariyay in Cabdirashiid Yuusuf Jibriil laga saaro golahaasi inkastoo masuulkaani maalin ka hor shirka Laas-caanood uga dhawaaqay inuu iska casilay xubinimada baarlamaanka Puntland.
Shirka Baarlamaanka Maamulka Puntland waxaa saaka goob joog ka ahaa 43 mudane waxaana ogolaaday xil ka qaadista 𝟯𝟴 𝗠𝘂𝗱𝗮𝗻𝗲, waxaa diiday 1 mudane halka ay ka aamuseen 4 mudane.
Si kastaba Kulanka waxaa shir gudoominayay Guddoomiyaha Golaha Wakiillada Dowladda Puntland C/qaadir Axmed Saacid waxaana caawinayay Guddoomiye ku-xigeenka 2-aad Maxamed Maxamuud Ciise.
XAFIISKA WARARKA SIYAASADA
DAYNIILE.COM
