XIGASHO LAACIB.NET
Madaxweynaha Barcelona, Joan Laporta, iyo agaasimaha ciyaaraha ee kooxda ayaa si cad u diiday dalab weyn oo dhan 100 milyan oo Yuuro oo uga yimid kooxda Al-Hilal ee dalka Sucuudiga, kuwaas oo doonayay inay la saxiixdaan xiddiga reer Brazil ee Raphinha.
Dalabkan ayaa ka koobnaa 80 milyan oo go’an iyo 20 milyan oo gunno ah, taas oo lala xiriiriyay wadahadalladii dhowaan dhex maray labada kooxood ee ku saabsanaa amaahda Joao Cancelo.
In kasta oo lacagtan ay wax weyn ka tari lahayd dhibaatada dhaqaale ee Barcelona, haddana maamulka kooxda iyo tababare Hansi Flick ayaa isku raacay in Raphinha uusan iib ahayn. Raphinha oo hadda ah 29 jir, heshiisna kula jooga kooxda ilaa sannadka 2028, ayaa loo arkaa mid ka mid ah tiirarka ugu muhiimsan ee kooxda, gaar ahaan ka dib bandhiggii cajiibka ahaa ee uu ka sameeyay kulankii xalay ee ay 5-0 kaga badiyeen Athletic Bilbao, halkaas oo uu labo gool dhaliyay.
