Dhuusa-mareeb (dayniiile.com)-Odayaal u dhashay beesha Cayr ayaa maanta kulan ay yeesheen waxay kaga hadleen dil dhawaan Magaalada Dhuusa-mareeb loogu gaystay laba nin oo ganacsato ahaa.
Odayaashaan oo Beesha Ceyr ka sii ah jilibka Yabardhowrakace ayaa si rasmi ah u qirtay in dilkaasi ay gaysteen dhalinyaro reerkooda u dhashay iyagoona raali gelin ka siiyay beesha Saleebeen oo dhibaatada la gaarsiiyay.
Beesha Yabardhowrakace waxay balan qaadeen inay gacanta ku soo dhigi doonaan kooxihii dilkaasi ka danbeeyay islamarkaana ay sharciga hor keeni doonaan.
“waan ka xanuhay dilkaasi waxaana walaalaheen Beesha Saleebaan uga tacsiyeynaynaa geerida labadasi ganacsade ee walaalaheena ahaa”ayaa lagu yiri warka beesha ceyr ka soo baxay.
XAFIISKA WARARKA
DAYNIIILE.COM