XIGASHO LAACIB.NET
Halyeeygii hore ee Manchester United, Dimitar Berbatov, ayaa ugu baaqay maamulka kooxda inaysan ku degdegin inay si rasmi ah shaqada ugu dhiibaan tababaraha ku-meel-gaarka ah Michael Carrick, inkastoo uu kooxda ku hoggaamiyay afar guul oo xiriir ah oo Premier League ah.
Wuxuu tusaale u soo qaatay wixii ku dhacay Ole Gunnar Solskjær, isagoo sheegay in mar hore la arkay shaqadiisa qeyb la mid ah oo aan ku dhammaan sidii la rabay.
Carrick ayaa si weyn u beddelay xaaladda United, isagoo ka adkaaday kooxo waaweyn sida Manchester City, Arsenal, Fulham iyo Tottenham Hotspur, taasoo kooxda gelisay tartanka boosaska Champions League.
Berbatov wuxuu ku amaanay Carrick awoodda uu ula xiriiro ciyaartoyda, isagoo sheegay in hadda ay ku ciyaarayaan kalsooni, hal-abuur iyo isku-duubni. United ayaa Talaadada u safreysa West Ham United iyagoo raadinaya guushii shanaad oo xiriir ah.
XIGASHO LAACIB.NET
