HARGEYSA (DAYNIILE.COM)-Wararka laga helaayo Magaalada Hargeysa ee Xarunta Maamulka Somaliland ayaa sheegaya in Booliisku halkaasi ka bilaabeen raa𝐟ka dadka Oromada ah ee ku soo badanaya magaaladaasi kuwaasoo si sharci daro ah ku soo galaya Dalka Somalia.
Ciidamada ayaa la arkayaa iyagoo qab qabanaya Itoobiyaanka Oromada ah kadibna saaraya gaadiid loogu talo galay lagu urursho si ugu danbeyn dalkoodii dib loogu celiyo.
Talaabada uu qaaday maamulka Somaliland ayaa timid kadib markii dhawaan nin oromo ah uu baraha bulshada soo geliyay qoraal xiliuu joogo Magaalada Hargeysa, qoraalka ayuu ku sheegay in marka Taariikhda loo laabto Hargeysa qayb ka ahayd degaankii boqortooyooyinkii hore ee Oromada.
Qoraalka ninkaan ayaa ka careysiiyay shacabka reer Somaliland taasina waxay soo dedejisay in Booliisku qaado talaabadaani lagu tarxiilayo dadka Oromada ah.
XAFIISKA WARARKA SIYAASADA
DAYNIILE.COM
DAYNIILE.COM
