Ciidamada Booliiska Kenya ayaa saaka xirey inta badan wadooyinka Magaalooyinka Nairobi iyo Mombasa xili saaka laga cabsi qabo banaan-bax weyn oo rabshada wata,Booliiska ayaa isku dayaya inay ka hortagaan isu soo baxayaasha ay gadaal k rixayaan mucaaradka Kenya.
Sida sawirada aad ka arki karto booliisku ma ogola wax dhaq dhaqaaq waxayna xireen laamiyada waa weyn ee Nairobi iyo Mombasa oo ah labada magaalo ee banaanbaxyada ugu weyn ay ka dhacaan.
Wararka ugu dambeeya ee aan heleyno ayaa sheegaya in saacada oo hada ah 11-kii oo 10 harsan in laamiyada qaar ay ka bilowdeen in dab la qabadsiiyo iyadoo la isku shidato taayar iyo qashin kale,sidoo kale dhagxan badan ayaa laamiyada qaar taal inkastoo wali isu soo baxayaasha xoogooda aysan soo bilaabin rabshadihii lagu yaqaanay.
Ciidamo Milateri ah oo aan badneyn ayaa saaka lagu soo xoojiyay ciidamada la doonayo inay xakameeyeen banaan-baxayaasha.
laamiyada waxaa hada aad uga muuqda booliiska oo kaliya xili roob yarna uu saaka da’ayo,daqiiqad kastana xaalku wuu is badeli karaa.
XAFIISKA WARARKA SIYAASADA
DAYNIILE.COM
