Taliska Booliiska Maamulka Somaliland ayaa war ka soo saaray Qoys Dalka Suuriya u dhashay oo ay ciidamada Somaliland Hargeysa tacadiga ugu geysteen xili muuqaal laga duubay uu ku faafay baraha bulshada .
Taliska Booliiska Maamulka Soomaaliyeed ee Gobolada Waqooyi waxay cadeeheen inay ka xun yihiin sida wax u dhaceen iyo tacadiga loo geystay ajaanibta reer Suuriya xili Aabo Suuriyaan ah uu muuqaal iska soo duubay uu ku cadeeyay xad-gudubka loo geystay isagoo waliba sheegay inaan wax waqad dacwo ah ama soo qabasho ah loola iman balse garaacis lagu bilaabay.
Hadaba halkaan ka akhriso qoraalka Taliska Booliska Maamulka gooni-goosadka Somaliland oo sidiisa u qoran:-
Taliska Ciidanka Booliska Jamhuuriyadda Somaliland waxa uu halkan ku caddaynayaa wararka lagu baahiyey baraha bulshada ee la xidhiidha kiis nin u dhashay dalka Suuriya, kaas oo muuqaallo ku faafiyey baraha bulshada, kana cabaanayay qaabkii loo qabtay.
