Daadad ka dhashay isbeddelka cimilada ayaa dilay ugu yaraan 337 qof waqooyi-galbeed Pakistan, sida laga soo xigtay Hay’adda Maareynta Musiibooyinka Qaranka, halka daraasiin ay weli maqan yihiin ka dib markii aagga ay ku dhufteen daadad maalmihii la soo dhaafay.
Degmada Kishtwar, kooxaha gurmadka ayaa sii waday dadaallada samatabixinta Axaddii tuulada fog ee Chositi. Ugu yaraan 60 qof ayaa ku dhintay 150 kalena waa ay ku dhaawacmeen, kuwaas oo 50 ka mid ah ay aad u liitaan.
Mohammad Suhail, oo ah afhayeenka ciidamada gurmadka ayaa sheegay in 54 meyd ah laga helay dadaal saacado qaatay kadib deegaanka Buner, oo ah degmo buuraley ah oo katirsan gobolka Khyber Pakhtunkhwa, halkaasi oo roobab mahiigaan ah iyo daruuro wata ay sababeen daadad xoogan Jimcihii.
Dadaalada baadi goobka ah ayaa diiradda lagu saarayay meelaha ay guryihii ay ka soo rogmadeen daadadkii ka soo rogmaday buuraha, kuwaas oo sitay dhagxaan waaweyn oo sida qaraxyada guryaha u burburiyay.
Maamulka ayaa ka digay fatahaado kale iyo dhul go’ inta u dhexeysa hadda iyo Talaadada, iyagoo ugu baaqay maamullada maxalliga ah inay feejignaadaan. Roobab mahiigaanno ah oo ka sarreeya kuwii caadiga ahaa ayaa ka da’ayay dalka tan iyo 26-kii June waxaana ku dhintay in ka badan 600 oo qof.
Duufaannada Cloudburst, halkaas oo qaddar aad u daran uu ka da’o aag yar muddo gaaban gudaheed, ayaa sidoo kale burbur xooggan ka geystay gobolka Kashmir ee ay Hindiya maamusho maalmihii la soo dhaafay.
Jimcihii, samatabbixiyeyaal Hindi ah ayaa meydad ka soo saaray dhoobo iyo burbur ka dib markii daadad ay ku dhinteen ay ku soo rogmadeen tuulada Himalayan, halkaas oo ay ku dhinteen ugu yaraan 60 qof ayna qaadeen daraasiin kale.
War qoraal ah oo uu soo saaray xafiiska xoghayaha guud ee Qaramada Midoobay Antonio Guterres ayaa lagu sheegay in uu jeclaan lahaa in uu muujiyo sida uu uga xun yahay dadka Pakistan iyo India ee sida xun ugu baaba’aya daadadkii ugu dambeeyay.
“Xoghayaha guud wuxuu tacsi tiiraanyo leh u dirayaa qoysaska dhibanayaasha wuxuuna u taagan yahay garab istaaga kuwa ay saameysay masiibadan,” ayuu yiri Stéphane Dujarric, afhayeenka Guterres.
SOURCE ALJAZEERA
XAFIISKA WARARKA SIYAASADA
DAYNIILE.COM
