XIGASHO LAACIB.NET
Kabtanka Manchester United, Bruno Fernandes, ayaa sheegay sababta uu u diiday dalabkii weynaa ee kaga yimid kooxda Sucuudiga ah ee Al Hilal xagaagan.
Isagoo la hadlay Sky Sports, Fernandes wuxuu yiri:
“Ma aanan dhammeystirin riyooyinkeyga halkan. Waxaan dareemayaa inaan weli wax ku biirin karo kooxda. Inta aan weli caawin karo, halkan ayaan joogayaa ilaa kooxda ay go’aansato inay igu dhahdo ‘Bruno, waqtigaa wuu dhammaaday’.”
“Haa, wuxuu ahaa go’aan adag. Anigu waxaan ahay kabtanka kooxda, waxaan muhiim u ahay kooxda, inkastoo mararka qaar aanan fiicnayn.
Dadka qaar waxay u arki lahaayeen iibkeyga layaab, laakiin aniga waxaan had iyo jeer ku adkeysanayay in Premier League uu yahay riyadayda oo aan rabo inaan halkan ku guuleysto” ayuu hadalkiisa raaciyay.
Fernandes, oo 30 jir ah, ayaa rajeynaya inuu saameyn weyn ku yeesho kulanka furitaanka xilli ciyaareedka 2025/26 marka United ay la ciyaarto Arsenal.
XIGASHO LAACIB.NET
