XIGASHO LAACIB.NET
Arsenal ayaa ku jirta qaab ciyaareed heer sare ah, taas oo ka muuqata booska ay kaga jiraan horyaalka Premier League. Dad badan ayaa hore u bilaabay inay sheegaan in Gunners ay sanadkan horyaalka qaadi doonaan, balse xiddiga kooxda Bukayo Saka ayaa ka digay in weli ay aad u horeyso in la sameeyo saadaal dhab ah.
Saka oo ka hadlayay xaaladda kooxda ayaa yiri:
“Weli waa goor hore.”
Wuxuu raaciyay:
“Markaan TV-ga daawanayay xilli hore oo aan dhaawac ku maqnaa, waxay ahayd qiyaastii ciyaartii saddexaad. Dadku waxay hore u bilaabeen inay ka hadlaan horyaalka. Laakiin weli waxaan joognaa Bishii October.”
Saka wuxuu ku booriyay kooxda inay diiradda saarto waxqabadka:
“Waa inaan sii shaqeynaa, sii guuleysanaa, dhisnaa kalsooni iyo xasillooni, kadibna aan aragnaa halka aan ku dambeyno marka xilli-ciyaareedku soo gabagaboobayo.”
XIGASHO LAACIB.NET
