XIGASHO LAACIB.NET
Xiddiga garabka uga ciyaara kooxda Arsenal, Bukayo Saka, ayaa farriin dhiirigelin ah u diray taageerayaasha kooxdiisa ka hor kulanka lugta labaad ee semi-finalka Champions League-ga ee ay garoonka Emirates kula ciyaari doonaan Atletico Madrid.
Saka ayaa rumeysan in jawiga garoonka gurigooda uu noqon doono hubka qarsoon ee ay ku jebin doonaan difaaca adag ee kooxda Diego Simeone.
Saka ayaa sheegay in barbarahii 1-1 ahaa ee ay ka soo hooyeen Madrid uu siiyay kalsooni weyn, balse hadda ay tahay waqtigii ay taageerayaashu muujin lahaayeen awooddooda. “Waxaan ognahay in Atletico ay tahay koox adag, laakiin marka aan joogno Emirates oo aan maqalno qaylada taageerayaasheena, waxaan dareemeynaa inaan nahay kuwa aan la garaaci karin,” ayuu yiri Saka.
Waxa uu intaas ku daray in taageerayaasha Gunners ay had iyo jeer ahaayeen “ciyaaryahanka 12-aad” ee kooxda, gaar ahaan habeenada waaweyn ee Yurub.
Saka ayaa carrabka ku adkeeyay in kooxdu ay u diyaarsan tahay inay bixiso wax kasta si ay u gaaraan finalka Champions League-ga, isagoo hoosta ka xariiqay in taageerada joogtada ah ee garoonka dhexdiisa ay tahay midda ka caawin doonta inay ka gudbaan caqabad kasta.
XIGASHO LAACIB.NET
