BALAD-XAAWO (DAYNIILE.COM)-C/rashiid Janan oo Taliyaha Nabad sugida iyo sirdoonka qaranka ee Gobolka Geddo ayaa BBC-da uga warbixiyay dagaalkii shalay ciidamadiisu uga danbeyn kaga adkaadeen kuwa Maamulka Jubaland.
C/rashiid Janan wuxuu bbc-da u sheegay inay si buuxda ula wareegeen Magaalada Balad-xaawo islamarkana ay hada dib soo laabatay isgaarsiintii Magaaladaasi oo go’neyd mudooyinkii danbe ee dagaaladu socdeen.
Sidoo kale C/rashidi Janan wuxuu xusay in korontadii xitaa dib loo soo shiday oo hada xaalada Magaladaasi si caadi ah ugu soo laabatay xasiloonadii lagu yaqaanay.
“sidaad ogtihiin 22-kii bishaan ayaan imid Balad-xaawo ilaa waqtigaasi caqabado ayaa taagnaa oo dagaalana way socdeen laakiin hada xaaladu waa degan tahay, dhamaan xarumihii Dowlada waxaa hada gacanta ku hayaa ciidamada Dowlada Somalia sida kastamka imagarashinka xuduudaha Kenay aan la leenahay, saldhigii Balad-xaawo iyo xaruntii Degmada”ayuu yiri C/rashidi Janan
Dhanka kale C/rashiid Janan wuxuu ugu baaqay shacabkii deganaa Magaalada Balad-xaawo inay is dejiyaan kuna soo laabtaan guryahooodii xili la ogyahay intooda badan inay u barakaceen dhanka Mandera halkaasoo Dowlada Kenya ay ku soo dhaweysay.
XAFIISKA WARARKA SIYAASADA
DAYNIILE.COM
