HARGEYSA (DAYNIILE.COM)-Madaxweynaha Maamulka Gobolada Waqooyi ee Somaliland Mudane C/raxmaan Ciiro ayaa si kulul uga hadlay socdaalka Madaxweynaha Jamhuuriyada Soomaaliya DR.Xassan Sheekh Maxamuud uu shalay ku tagay Magaalada Laas-caanood ee Xarunta Maamulka Waqooyi Bari si uu uga qeybgalo caleema saarka Madaxweynaha maamulkaani C/qaadir Firdhiye.
Ciro wuxuu sheegay in socdaalkaani yahay mid daan daansi ah iyo waliba dagaal lagu soo qaaday dhulka Somaliland sida uu warka u dhigay,wuxuu ugu baaqay shacabkiisa inay u diyaar garoobaan weerar uu sheegay in Xasan Sheekh ku soo qaaday dhankooda islamarkaana wuxuu balan qaaday inuu dagaalka isagu hogaamin doono.
“Xiligii Dawladdii Kacaanka ee Maxamed Siyaad Barre waxay dunidu u qirsanayd inay ahayd dawladdii ugu xooga weynayd Afrikada mada, laakiin hala is weydiiyee xagee ayey ku dambaysay, Dawladdaa xabaasheedii Hargeysa ayey ka qodan tahay, diyaaradihii iyo taangiyadiina waxay sudhan yihiin suuqyada Hargeysa
