MUQDISHO (DAYNIILE.COM)-Shirka Golaha wada-tashiga Qaranka ayaa lagu wadaa inuu beri ka bilowdo Magaalada Muqdisho xili ay maamulada qaar ka maqan yihiin maamul goboleedyada qaarkood.

Puntland iyo Jubaland ayaa ka maqnaan doona waxaana ka qeyngeli doona afar maamul Goboleed kuwaasoo kala ah Galmudug,koofur-Galbeed,Hirshabelle iyo SSC Khaatumo oo ku cusub.

Hogaamiyaha SSC Khaatumo shalay ayuu soo gaaray Magaalada Muqdisho halka sedexda madaxweyne ee Galmudug,koofur-gabeed iyo Hirshabelle iyagana maanta lagu wado inay soo gaaraan Magaalada Muqdisho .

Madaxweyne Xassan ayaa lagu wadaa inuu shir gudoomiyo shirka waxaana sidoo kale ka qeybgalaya Ra’iisulwasaaraha Somalia iyo Duqa Muqdisho mara laga yimaado madaxda maamul Goboleedyada.

dhanka kale lama yaqaan sida Dowladu ka yeeli doonto maqnaanshaha madaxweynayaasha Maamulada Puntland iyo Jubaland oo khilaaf uu ka dhexeeyo iyaga iyo Madaxda Dowlada.

XAFIISKA WARARKA
DAYNIILE.COM

Wararka laga helaayo Gobolka Shabeelaha dhexe ayaa sheegaya in ciidamo kuwa deegaanka ah ama macawisleyda ah ay wadada u galeen gaaro cadi bile ah oo Alshabaab hubeysan ay wateen.

Sarkaal u hadlay Macawisleyda bariga Gobolka Shabeelaha dhexe ayaa sheegaya inay wadada u galeen gaari dagaal oo Alshabaabku wateen kaasoo ka soo baxay Ceel-garas kuna sii jeeday tuulada Al-furqaanm ee Degmada Masaajid Cali Gaduud.

Sarkaalkaan wuxuu tilmaamay inuu Cabdi-bilaha ka baxsaday balse ay layeen qaar ka mid ah dagaalamayaashiii saarnaa gaari cabdi-bilaha ahaa.

maaha markii ugu horeysay oo ay macawisleydu jidka u galaan ama weerar qarsoon ku qaadaan alshabaab , hore ayay howlgalo u fuliyeen macawisleyda.

XAFIISKA WARARKA
DAYNIILE.COM

GAROWE (DAYNIILE.COM)-Wararka ka soo baxaya Magaalada Garowe ee xarunta Maamulka Puntland ayaa sheegaya in kooxo hubeyani xalay saqdii dhexe dad shacaba ku dileen halkaasi.

Kooxaha hubeysan ayaa toogtay oo naftana dhaafiyay laba nin oo ka yimid masaajid kuwaasoo waardiye ka ahaa xarun ganacs oo Magaalada Garowe ku taal.

Kooxihii dilka fuliyay ayaa goobta ka baxsaday lamana yaqaan sababta ay labadaani nin u dileen iyo halka ay ka tirsan yihiin intaba.

Ciidamada Booliiska ayaa mar danbe gaaray goobta dilku ka dhacay mana jirto wax dad ah oo ay u soo qabteen xitaa tuhun ahaan madaama ay baxsadeen gacan ku dhiiglayaasha.

Laamaga amaanka waxaa lagu wadaa inay faah-faahin ka bixiyaan weerarkaani labada nin lagu dilay marka ay war sugan ka helaan.

XAFIISKA WARARKA
DAYNIILE.COM

QAZA (DAYNIILE.COM)-Baabuurta xamuulka ah oo sida cunto, biyo iyo dawo ayaa ku soo ururaya xudduudaha Gaza iyada oo xafiiska warbaahinta dawladda ee Strip uu sheegay in ugu yaraan 57 Falastiiniyiin ah ay gaajo ugu dhinteen go’doominta guud ee Israa’iil.

Weerarrada Israa’iil ee ka dhacay Gaza tan iyo waaberigii Sabtidii ayaa lagu dilay 45 Falastiiniyiin ah, oo ay ku jiraan saddex carruur ah, sida ay sheegeen ilo-wareedyo caafimaad iyo kuwa difaaca rayidka ah.

Cambaareynta caalamiga ah ee go’doominta Israa’iil ayaa sii kordheysa iyadoo saraakiisha Qaramada Midoobay iyo dadka u dooda xuquuqda ay dalbadaan gargaar bani’aadamnimo oo aan laga hor istaagin in la gaaro dhulka xeebta ah.

Dagaalka Israa’iil ee Qaza waxa uu dilay ugu yaraan 52,495 falastiiniyiin ah waxaana ku dhaawacmay 118,366, sida ay sheegtay wasaaradda caafimaadka ee Gaza. Xafiiska Warbaahinta ee Xukuumadda Gaza ayaa tirada dhimashadu kor u dhaaftay 61,700, iyadoo sheegtay in kumannaan qof oo lagu la’yahay burburka hoostiisa loo malaynayo inay dhinteen.

Qiyaastii 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay bishii Oktoobar 7, 2023, in ka badan 200 oo qofna waa la qafaashay.

SOURCE ALJAZEERA
XAFIISKA WARARKA
DAYNIILE.COM

Wararka ka imaanaya deegaanada Maamulka Jubaland ayaa sheegaya in ciidamada Kumaandooska Danab iyo Daraawiishta Jubaland ay isla fuliyeen howlgal ka dhan ah kooxda Alshabaab.

Howlgalkaan ayaa laga fuliyay deegaano hoos taga Gobolka Jubada hoose ee Maamulka Jubaland gaar ahaan deegaanada Khala-khala,Wardaay-dheer, makhookhaha iyo cusbo.

Guud ahaan deegaanada ay ciidamadaani duulaanka ku qaadeen ayay ka eryeen Alshabaab sidoo kale hub ayay ka qabsadeen,waxaana degan xaalada deegaanadaasi dagaalku ka dhacay.

Ujeedka Howlgalka ayay saraakiisu ku sheegeen mid loogu kuur galaayay amniga deegaanadaasi marka la eego shacabka halkaasi ku dhaqan iyo sidii looga dulqaadi lahaa Alshabaab.

Hadaba halkaan hoose ka daawo warbixin howlgalkaan looga hadlayo aan ka soo xiganay TV-ga qaranka:-

XAFIISKA WARARKA
DAYNIILE.CO

Ugu yaraan toddobo qof ayaa ku dhintay 20 kalena waa ay ku dhaawacmeen weerar lagu qaaday magaalo ku taalla Koonfurta Suudaan, hay’adda samafalka caafimaadka ee Dhakhaatiirta aan xuduudda lahayn, oo magaceeda Faransiiska loo yaqaan MSF, ayaa sheegtay, iyadoo laga cabsi qabo in waddanka ugu da’da yar adduunka uu dib ugu laabto dagaal sokeeye oo dhan walba ah.

MSF ayaa bayaan ay soo saartay ku sheegtay in ay “si adag u cambaareyneyso qaraxii ula kac ahaa ee loo geystay isbitaalkeeda Old Fangak” Sabtidii iyo in weerarka uu burburiyay isbitaalkii iyo farmashigii ugu dambeeyay ee ka shaqeynayay waqooyiga dalka.

MSF waxay markii hore ku boorisay boostada X: “Jooji duqeynta. Ilaali dadka rayidka ah. Ilaali daryeelka caafimaadka.” Waxay sheegtay in weerarku ahaa “xadgudub cad oo sharciga caalamiga ah”.

Ilaa hadda ma cadda sababta loo beegsaday xarunta, Afhayeen u hadlay militariga Koonfurta Suudaan ayaan la xiriirin karin si aan faallo uga bixiyo, sida ay sheegtay wakaaladda wararka ee Associated Press.

SOURCE ALJAZEERA
XAFIISKA WARARKA
DAYNIILE.COM

Warqad kasoo baxday xafiiska kusimaha guddoomiyaha golaha shacabka ahna Guddoomiye kuxigeenka labaad ee Golaha ayaa Xildhibaano ka tirsan Golaha dib loogu fasaxay fadhiyada Golaha ka dib markii dhowaan laga hakiyay ka qeyb galka fadhiyaha Golaha Shacabka.