XIGASHO LAACIB.NET

Liverpool ayaa suuqa ugu jirta weeraryahan cusub, waxaana jira magac si weyn looga hadlayo oo la sheegay inuu yahay kan ugu badan ee hadda afka dadka ku jira.

Darwin Núñez iyo Diogo Jota ma aysan soo bandhigin waxqabad joogto ah xilli ciyaareedkan. Taasi waa arrin si cad loo arko.

Núñez si gaar ah ayaa loogu eedeeyay inuu yahay mid aan lagu kalsoonaan karin marka uu hortago goolka. Inkastoo arrintaasi ay niyad jebin tahay, hadana waa sheekada hadheysay ciyaaryahanka reer Uruguay tan iyo markii uu yimid kooxda.

Wuxuu u qabtaa wax walba oo kale si heer sare ah – wuxuuna u dhow yahay 95% weeraryahan dhammaystiran. Laakiin qeybta ugu muhiimsan – dhammaystirka goolasha – kuma fiicna.

Wariye Lewis Steele oo ka tirsan Daily Mail ayaa sheegay in magaca uu hadda aad u maqlo marka laga hadlayo weeraryahanka cusub ee Liverpool uu yahay Hugo Ekitike. Xiddiga Eintracht Frankfurt ayaa la filayaa inuu xagaaga u dhaqaaqo koox kale, iyadoo qiimihiisa lagu qiyaasayo £60 milyan.

Waxaana laga yaabaa inuu noqdo ikhtiyaarka ugu fiican ee Liverpool heli karto. Horay ayaan u sheegnay in Ekitike uu ka fiicnaan karo Alexander Isak marka loo eego qiimaha iyo fursadda kobaca mustaqbalka.

Weeraryahanka reer France ayaa ah xulasho dhaqaale ahaan macquul ah, isla markaana leh karti weyn. Runtii, waxaa suurtagal ah inuu noqdo ciyaaryahan la mid ah Isak sanadaha soo socda.

Wuxuu u qabtaa wax walba oo kale si heer sare ah – wuxuuna u dhow yahay 95% weeraryahan dhammaystiran. Laakiin qeybta ugu muhiimsan – dhammaystirka goolasha – kuma fiicna.

Wariye Lewis Steele oo ka tirsan Daily Mail ayaa sheegay in magaca uu hadda aad u maqlo marka laga hadlayo weeraryahanka cusub ee Liverpool uu yahay Hugo Ekitike. Xiddiga Eintracht Frankfurt ayaa la filayaa inuu xagaaga u dhaqaaqo koox kale, iyadoo qiimihiisa lagu qiyaasayo £60 milyan.

Waxaana laga yaabaa inuu noqdo ikhtiyaarka ugu fiican ee Liverpool heli karto. Horay ayaan u sheegnay in Ekitike uu ka fiicnaan karo Alexander Isak marka loo eego qiimaha iyo fursadda kobaca mustaqbalka.

Weeraryahanka reer France ayaa ah xulasho dhaqaale ahaan macquul ah, isla markaana leh karti weyn. Runtii, waxaa suurtagal ah inuu noqdo ciyaaryahan la mid ah Isak sanadaha soo socda.

XIGASHO LAACIB.NET

Xiddiga khadka dhexe ee Real Madrid, Luka Modric, ayaa la xaqiijiyay inuu noqonayo milkiile ka tirsan kooxda Swansea City ee dalka Wales.

Modric, oo u dhashay dalka Croatia una dabaaldegaya dhalashadiisa 40-aad bisha Sebtembar, ayaa go’aansaday inuu iibsado saamiyo yar oo aan ahayn kuwa go’aamada xukuma ee kooxda. Iibsashada saamiyadan kama dhigna in Modric uu joojinayo xirfadiisa ciyaareed – wuxuuna weli kasii ciyaari doonaa Real Madrid.

Modric ayaa heshiiskiisu ku eg xagaagan, balse waxa uu doonayaa inuu ka fariisto kubadda cagta isagoo xiran maaliyadda Real Madrid, waxaana suuragal ah inuu hal sano oo dheeri ah ku kordhiyo joogitaankiisa Bernabeu haddii heshiis laga gaaro.

Go’aankiisa ku saabsan mulkiyadda Swansea ayaa dad badan la yaab ku noqday, maadaama kooxda haatan ku jirto kaalinta 12-aad ee horyaalka Championship-ka Ingiriiska. Tallaabadan ayaa muujinaysa in Modric – oo ku guuleystay Ballon d’Or sanadkii 2018 – uu bilaabay qorsheynta noloshiisa kadib ciyaaraha.

Bishii November, Jason Levien iyo Steve Kaplan oo muddo 8 sano ah haystay milkiyadda ugu badan ee Swansea, ayaa iska iibiyay saamiyadoodii ugu weynaa. Waxaa saamiyadaas la wareegay Andy Coleman, Brett Cravatt, Nigel Morris iyo ganacsade Jason Cohen.

Intii uu Modric ciyaaryahan ka ahaa Tottenham Hotspur, waxa uu si buuxda u dheelay labada kulan ee uu la ciyaaray Swansea – kulan barbar dhac 1-1 ah bishii December 2011 iyo guul 3-1 ah bishii April 2012.

XIGASHO LAACIB.NET

Halyeeyga kubadda cagta Ingiriiska, Alan Shearer, ayaa magacaabay kooxda uu u arko inay tahay tii ugu fursadda fiicnayd ku guuleysiga Champions League, isagoo sheegay inay ka horreyso Arsenal.

Arsenal ayaa haatan haysata hogaamin saddex gool ah oo ay ugu awood sheegatay Real Madrid lugtii hore ee wareegga siddeed dhammaadka, taasoo ka dhacday Emirates Stadium.

Toddobaadkii hore, Real Madrid ayaa loo arkayay inay yihiin kuwa ugu cadcad difaacashada koobka Champions League, balse Arsenal ayaa si lama filaan ah u garaacday kooxda difaacaneysa horyaalka, waxayna ku badiyeen 3-0 iyadoo Declan Rice uu dhaliyay labo laad xor ah iyo gool uu Mikel Merino dhaliyay.

Real Madrid weligeed ma aysan kasoo laaban guuldarro saddex gool ah si ay ugu gudubto wareegyada Yurub, waxaana haatan ay wajahayaan Arsenal oo difaaceedu aad u adag yahay – iyagoo kaliya laga dhaliyay 27 gool 32 kulan oo horyaalka ah.

Dhanka kale, kulamada kale ee siddeed dhammaadka Champions League, Barcelona ayaa haysata hogaamin 4-0 ah oo ay ka gaartay Borussia Dortmund, halka Paris Saint-Germain ay 3-1 ku hogaamineyso Aston Villa.

Kulanka ugu loollanka adag wareegan, Inter Milan ayaa 2-1 ku hogaaminaysa Bayern Munich ka hor kulanka lugta labaad ee San Siro.

Markii laga hadlayay afarta kulan ee lugta labaad ee siddeed dhammaadka, Shearer ayaa u sheegay podcast-ka The Rest is Football:

“Waxaan Barcelona u arkaa inay yihiin kuwa ugu cadcad.

“Guushii ay ka gaareen Dortmund aad bay u cajiib ahayd, weli iyaga ayaa ugu cadcad.”

“PSG-na si fiican ayay u muuqdaan. Waxaan xasuustaa markaan daawanayay kulankii ay Arsenal la ciyaareen bisha September, waxay ahaayeen kuwo caadi ah, ma aysan lahayn wax gaar ah.

“Arsenal ayaa si sahlan u garaacday, waxayna ahaayeen kuwo aad u deggan. PSG in ay ka soo baxaan xaaladdaas una beddelaan qaab ciyaareedka ay hadda wataan waa wax la yaab leh.”