MUQISHO (DAYNIILE.COM)-Ra’iisul Wasaare Ku-xigeenka Labaad ee Somalia Cabdisalaan Cabdi Cali oo maanta booqday ciidamada Dowlada iyo kuwa deegaanka ee dhawaan ku soo dhaawacmay dagaalada ka dhanka ah Alshabaab ayaa ku baaqay in dhiiga ciidamada laga saaro siyaasadeynta.

Masuulkaani mar uu ka hadlayay dagaalada sida ay ku socdaan ee xowliga ah ayuu carabka ku adkeeyay in Alshabaab ay ku jiraan rafashadii ugu dambeysay.

“Siyaasadda halaga saaro dhiigga Ciidamada Qaranka,Cadowgu wuxuu ku jiraa rafashadii ugu dambeysay” ayuu yiri Ra’iisulwasaare xigeenka Soomaaliya

Haddaba halkaan ka daawo muuqaalka Ra’iisulwasaaraha:-

AL-KOWSAR (DAYNIILE.COM)-Ciidamada Dowlada Somalia iyo kuwa macawislleyda Gobolka Shabeelaha dhexe ayaa la soo sheegayaa inay fuliyeen Howlgal qorsheysan oo ka dhan ahaa Alshabaab u soo baxay biya dhaamis kuwaasoo watay gaadiid iyo hub intaba.

War ka soo baxay dhanka Dowlada ayaa lagu faah-faahiyay howlgalkaasi xili Dowladu heshay xogta Alshabaabkaasi oo biya la’aan daran ay heysay.

Dagaalamayaasha Alshabaab oo rabay inay biya ka dhaansadaan ceel-biyood ku yaal deegaanka Ceelka-Nuurgadow oo hoostaga degmada Al-Kowsar ee gobolka Shabeellaha Dhexe ayaa waxaa weerar aysan fileyn ku ekeeyay ciidamada Dowlada iyo macawisleyda.

Dowlada ayaa sheegtay inay weerarkaani ku laayeen dhamaan maleeshiyaadkii kooxda Alshabaab,sidoo kalana ay gubeen gaadiidkii ay biyaha ku qaadi rabeen.

Dhanka kale ma jiraan warar madax banaan oo laga helay howlgalkaani Dowladu guusha ka sheegatay.

XAFIISKA WARARKA
DAYNIILE.COM

LAAS CAANOOD (DAYNIILE,COM)-Masuulka Maamulka Somaliland ugu qaabilsan arimaha dibada  Aadan Daahir Bakaal ayaa ka dhawaajiyay in Dowlada Mareykanka ay la qaadatay Maamulkooda joojinta safarka Ra’iisulwasaaraha Soomaaliya uu ku tagayo Magaalada Laas-canood

Somaliland “Mareykanka wuxuu nala qaatay joojinta safarka Xamsa ee Laas-caanood,dagaal weyn ayaan ka galnay arinkaasi  insha allaaH.”ayuu yiri Wasirka

Warkaan wuxuu ku soo aadayaa xili  maalmihii ugu dambeysay ay taagnayd xiisad ka dhaxeysa Maamulka Sonaliland iyo Dowlada Somalia,waxayna ka digayeen in hadii Xamsa uu tago Laas-caanood ay macquul tahay in la dilo .

XAFIISKA WARARKA
DAYNIILE.COM

Golaha amaanka ee Qaramada Midoobay ayaa lagu wadaa in dhawaan ay shir ka yeeshaan xaalada Somalia oo dagaalo iyo horumaro intaba ay ka socdaan.

Golaha Ammaanka ayaa la hadal hayaa inta lagu jiro bishaan inay ka doodi doonaan  kala qaybsanaanta siyaasadeed ee Soomaaliya iyo dagaalka Al-Shabaab lagu jiro xili ay waliba dar dar hor leh la soo baxeen.

Wakiilka Gaarka ah ee Qaramada Midoobay James Swan ayaa lagu wadaa inuu ka qeybgalo kana soo jeediyo khudbad uu kaga hadlayo xaalada Somalia ,sidoo kale wakiilada Dowlada Somalia ayaa iyaguna ka hadli doona,xili sidaas oo kale lagu wado inay goob joog ka noqdaan xubno ka socda wasaarada arimaha dibada Somalia.

Fadhiga Golaha amaanka QM waxyaabaha looga hadli doono waxaa ka mida taageerada ay Somalia la garab taagan yihiin marka la eego dib u eegista Dastuurka.

Qaramada Midoobe ayaa dhanka kale maanka ku heysa walaac ka taagan Khilaafka u dhexeeya dowladda Somalia iyo Maamul Goboleedyada qaarkood taasoo heer sare gaartay iyagoon wax wada shaqeynana aan lahayn.

Qamada Midoobe waxay aaminsan tahay in awooda soo korortay ee Alshabaab ay keentay markii ay fursad ka heleen kala qeybsanaanta Soomaalida ee dhanka qabyaalada iyo siyaasada.

XAFIISKA WARARKA
DAYNIILE.COM

CADDALLE (DAYNIILE.COM)-Wararka ugu dambeeya ee ka imaanaya Deegaanka Geel-Gub ee hoos taga Magaalo xeebeedka Caddalle ayaa sheegaya in dagaalkii saaka halkaasi ciidamada Dowladu ku qaadeen ay horumar ka sameeyeen.

Guud ahaan deeegaanka waxay gacanta u gashay Milateriga Somalia iyo kuwa deegaanka ee iskaashanaya kadib dagaalkii xooganaa ee saaka ay wada jir u qaadeen ciidamadaasi.

Kooxdii Alshabaab ee halkaasi ku sugneyd ayaa laga eryay walina faah-faahin lagama helin khasaaraha ka dhashay dagaalka iyo halka ay u baxeen kooxdii Alshabaab ee deegaanka laga saaray,inkastoo wali xaalad dagaal lagu jiro mar kastana la isku noqon karo.

Hay’adaha amaanka Dowlada ee sida hoose ula socda dagaalka ayaa lagu wadaa inay warbaahinta la hadlaan sharaxaada ka bixiyaan.

XAFIISKA WARARKA
DAYNIILE.COM

BUULA-BURDE (DAYNIILE.COM)-Wararka laga helaayo Gobolka Hiiraan ayaa sheegaya in Dagaaladii ka socday deegaanka Abooreey uu saaka halkiisa ka sii socdo xili shalay si weyn la isugu riiqmay.

Wararka Saaka la helayo ayaa sheegaya in dagaalka la isu adeegsanayo hubka nuucyadiisa kala duwan ,wuxuuna ka socdaa duleedka deegaankaasi.

Wararku waxay tilmaamayaan in dagaalkaani Abooreey uu qarxay kadib markii ciidamada Dowlada iyo kuwa deegaanka ay weerar saaka ku qaadeen alshabaabkii shalay laga saaray gudaha deegaanka kuwaasoo isku urursanayay banaanka deegaankasi.

Taliyaha Ciidamada Xooga Dalka Jen.Odawaa Yuusuf Raagge ayaa dagalka Abooreey saaka ku biirey isaga oo horkacaya ciidamo gurmad ahaan halkaasi u aaday saaka.

Kooxda Alshabaab ayaa u muuqata inay aad u daneynayaan deegaanka Abooreey oo ay istaraatiiji ka dhiganayan marka la eego sida ay sedey ay ugu dagaalamayaan marka la eego, ugu yatraan 2 saac oo xiriir ah ayay ka dagaalamayaan Deegaanka Abooreey iyadoo intaas ciidamada Dowlada ay marba ka saarayaan hadana ay qabsanayaan.

Dagaalka Abooreey oo Dowladu ahmiyad weyn siineyso xili Odawaa Yuusuf xitaa saaka ku biirey wixii ka soo kordha wararkeena danbe ayaad kaga bogan doontaan insha Allaah.

XAFIISKA WARARKA
DAYNIILE.COM

Suuqa saamiyada Mareykanka ayaa aad hoos ugu dhacay talaadadii ka dib markii Trump uu sheegay in canshuuraha wax soo dejinta ee Shiinaha ay kor u kici doonto 104 boqolkiiba, iyadoo halbeegga S&P 500 iyo Nasdaq Composite-ka tignoolajiyada culus uu hoos u dhacay 1.57 boqolkiiba iyo 2.15 boqolkiiba, siday u kala horreeyaan.

Hoos u dhaca saamiyada Maraykanka ayaa yimid ka dib markii suuqyadu si xoogan u soo baxeen horaantii maalinta iyada oo ay jirto hubaal la’aan ka jirta qorshayaasha ganacsiga ee Trump.

Suuqyada saamiyada Aasiya ayaa raacay khasaaraha Wall Street, iyadoo Japan Nikkei 225 iyo KOSPI ee Kuuriyada Koonfureed ay hoos u dhaceen 4 boqolkiiba iyo 1 boqolkiiba, siday u kala horreeyaan, ganacsiga hore ee Arbacada.

Tan iyo markii la doortay Madaxweynaha Mareykanka ee Trum wuxuu caalamka ku soo rogay canshuur kordhin uusan cidna u aaba yeelin xitaa dalalka xulufada la ah.

SOURCE ALJAZEERA
XAFIISKA WARARKA
DAYNIILE.COM