GAZA (DAYNIILE.COM)-Ugu yaraan 38 falastiiniyiin ah ayaa lagu dilay weerarrada Israa’iil ay ku qaadday Qaza 24-kii saac ee la soo dhaafay, hal qof oo mayd ah ayaa laga soo saaray burburka, sida ay sheegtay wasaaradda caafimaadka ee deegaankaas.

Militariga Israa’iil ayaa sidoo kale sii wada duqeymaha Suuriya, iyagoo ugu yaraan lix qof ku dilay Deraa, waxaana cambaareeyay Qatar iyo Sacuudi Carabiya.

Mareykanka ayaa sii wada duqeymaha uu ka geysanayo Yemen, iyadoo saraakiisha ugu sareysa ay wajahayaan baaritaan ku saabsan la wadaaga qorshayaasha militariga saxafiga xilli ay koox ku wada sheekeysanayaan app-ka fariinta Signal-ka.

Wasaaradda caafimaadka ee Gaza ayaa sheegtay in ugu yaraan 50,183 falastiiniyiin ah la xaqiijiyay in ay dhinteen 113,828 ay ku dhaawacmeen dagaalka Israa’iil ee Gaza.

Xafiiska warbaahinta ee xukuumadda Gaza ayaa cusboonaysiiyay dhimashadeeda in ka badan 61,700, isaga oo sheegay in kumanaan Falastiiniyiin ah oo lagu la’yahay burburka hoostiisa loo malaynayo inay dhinteen.

Ugu yaraan 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay 7-dii Oktoobar 2023 in ka badan 200 oo qofna waa la qafaashay.

SOURCE ALJAZEERA
XAFIISKA WARARKA
DAYNIILE.COM

BOOSAASO (DAYNIILE.COM)-Kooxo hubeysan ayaa saaka weerar ku qaaday saldhiga Booliiska Magaalada Boosaaso ee Puntland.

Ciidamada Saldhiga ayaa iska caabiyay kooxdaasi ,waxaana uu sababay dagaalku dhimashada hal ruux iyo dhaawaca tira kale.

Inkasroo ujeedka koxdaani aan si rasmi ah loo ogaan hadana wararka qaar ayaa sheegaya inay ku sugan yihiin wali meel aan sidaas uga fogeyn saldhiga .

Saraakisha Saldhiga Booliiska Boosaaso ayaa dhankooda saxaafada u sheegay inay talaabo ka qaadi doonaan kooxaha weerarka ku soo qaaday ayna dhamaantood gacanta ku soo dhigi doonaan.

weerarada kooxaha hubeysani Boosaaso ka geysanayaan ayaa ku soo aadaysa xili Magaalada Boosaaso uu ku sugan yahay Madaxweynaha maamulka Puntland saciid dani oo hakaasi ka hagaya dagaalka ay Daacish kula jiraan.

XAFIISKA WARARKA
DAYNIILE.COM

=XIGASHO BBC SOMALI=

MUQDISHO (DAYNIILE.COM)-Diyaaradaha Drons-ka casriga ah ee Akinci oo dhawaan Dowlada Somalia ay ka soo iibsatay Dalka Turkey ayaa la shaaciyay inay beri oo arbaco ah bilaabayaan weerarada ay saldhigyada Alshabaab ku qaadayaan.

Warar ku dhaw dhaw Dowlada ayaa sheegaya in labad diyaaradodoba beri bilaabayaan duqeymaha iyagoona xooga saari doona Gobolka Shabeelaha hoose oo ciidamadii ugu badnaa ay Alshabaab dhawaan soo geliyeen halkaasi.

Sidoo kale waxay weeraro ka fulin doonaan Gobolka shabeelaha dhexe walow uu madaxweyne Xassan caawac ku hooyanayo furimaha dagaalka ,madaxweynaha marka uu Cadalle ku laabto ayaa macquul ah inay duqeymaha fuliyaan.

Warar kale oo ku dhaw dhaw ciidamada qaabilsan diyaaradahaan ayaa sheegaya in tan iyo markii muqdisho la soo gaarsiiyay ay ku jireen diyaar garow dhanka farsamada iyo ralibaada gantaalada.

XAFIISKA WARARKA 
DAYNIILE.COM

VIRGINIA (DAYNIILE.COM)-Ra’iisul Wasaarihii hore ee Soomaaliya Cabdiwali Maxamed Cali Gaas ayaa ka hadlay dagaalka uu dalku ku jiro iyo wax siyaasi iyo shacaba maanta looga baahan yahay.

Cabdiwali Gaas wuxuu Soomaalida u soo jeediyay in loo midoobo la dagaalanka kooxda Alshabaab islamarkaana Dowlada lagu gacan siiyo.

“Maanta maaha waqtigii siyaasadda, waa waqtigii midnimada iyo ladagaalanka Khawaarijta, haddii dalkeena cadow qabsado siyaasi yuu xukumayaa” ayuu yiri C/weli Gaas oo ku sugan Mareykanka

Wuxuu tilmaamay in saacadaan la joogo ay tahay tii midnimada ,wuxuu ugu baaqay siyaasiyiinta inay sugaan saacada siyaasada.

“siyaasigu han waan yeelan karaa ,laakiin hada lama joogo,mida kale hadiiba dalka la qabsdo siyaasigu muxuu xukumayaa”ayuu mar kale yiri C/weli gaas

XAFIISKA WARARKA
DAYNIILE.COM

RAAGE-CEELE (DAYNIILE.COM)-Madaxweynaha Soomaaliya oo maanta mar kale dib ugu laabtay furimaha dagaalka ayaan toos u tageyn magaalada Caddale oo ah xaruntiisa uu dagaalada ka hagayo wuxuuna ku hor marayaa magaalada Raage-Ceelle ee Gobolka Shabeelaha dhexe oo markiisii horaba uu ka bilaabay socdaalkiisa.

Warar hoose oo aan heleyno ayaa sheegaya in sababta uu u taguo Raage-Ceelle imay qeyb ka tahay qorshe maalmihii ugu dambeeyay uu ku howlanaa taasoo ah ku qancinta dagaalka ee reerka uu ka soo jeedo.

wararka aan heleyno waxay sheegayan in beelaha qaarkood ay Dowlada wax ka tabanayaan taasoo ka dhigeysa in Dowladu weli qaadin guluf dagaal kaliyana waxa hada socda ay u badan dhaq dhaqaaqyo alshabaab wadaan iyo iska caabin oo kaliya.

Madaxweynaha sababta uu furimaha u tagay ayaa ah inuu reerkiisa ku qanciyo si weerar lagu mideysan yahay loogu qaado alshabaabka kumanaanka kun ah ee soo buux dhaafiyay Gobolka Shabeelaha dhexe oo ah istaraatiiji isku xira gobolada kale ee dalka kuwaasoo dhamaantood alshabaab-ku ku lug leeyihiin.

Wararka an heleyno waxay xoojinayaan in wali Madaxweynuhu ku guuleysan inuu soo celiyo wada-jirka reerka uu ka soo jeedo ee Abgaal oo udub dhaxaad u ah guul laga gaaro dagaalka shabeelaha dhexe oo hadii laga saaro alshabaab ku qabsi doonta inay gobolo badana ka baxaan.

Guusha Gobolka shabeelaha dhexe waxay kala goyn doontaa inay alshabaab isu gurmadaan marka la eego gobolada dhexe ee dalka gar ahaan gobolkaan wuxuu isku xiraa shabeelooyinka,Galgaduu iyo hiiraan.

Madaxweynaha waxaa la sheegay inay meel fiican u mareyso uuna xaliyay inta badan tabashooyinka beesha uu ka soo jeedo islamarkaana inta u dhimana uu socdaalkaan ku dhameystiri karo.

XAFIISKA WARARKA 
DAYNIILE.COM