Ra’iisulwasaare Xamsa oo isku shaandheyn kooban ku sameeyay Golaha Wasiirada
MUQDISHO (DAYNIILE.COM)-Ra’iisulwasaaraha Soomaaliya Xamsa Cabdi-Barre ayaa goor dhaw oo galabta ah isku shaandheyn kooban wuxuu ku sameeyay Golaha Wasiirada Somalia iyadoo laba wasiir xilalka laga badalay.
Axmed Macalin Fiqi oo ahaa Wasiirkii arimaha dibada ayaa xilka laga qaaday waxaana loo badalay Wasiirka Gaashaandhiga Somalia.
Wasiirkii Gaashaandhiga Jabriil C/rashiid ayaa xilkaasi laga qaaday waxaana loo badalay Ra’iisulwasaare xigeen 2-aad inuu noqdo.
Ra’isiulwasaare xigeenkii 2-aad C/salaan Cabdi Cali ayaa xilkaasi laga qaaday waxaana loo badalay oo loo magacaabay wasiirka Arimaha dibada Somalia.
Ma jirto masuul kale oo isku shaandheyntaani ay saameyay, waxayna arintaani ku soo aadeya xili maalmihii ugu dambeysay la hadal hayay in Madaxweyne Xassan uusan ku qanacsaneyn ninka dhawaan loo dhiibay Wasiirka Gaashaandhiga Jabriil kaasoo aan ku firfircooneyn shaqadaasi xili dalku dagaal ku jiro.
Guud ahaan isku shaandheyntaani waxaa loo sameeyay dalab iyo codsi ka yimid Madaxweyne Xassan oo uu u gudbiyay Ra’iisulwasaaraha Somalia Xamsa taasoo salka ku heysa in Wasaarada gaashaandhiga loo helo qof ku haboon, waxaana ugu dambeyn loo dhiibay Fiqi oo Madaxweynaha saaxiibadiisa ugu horeeya ka mid ah.
Dooqa ah in Wasiir Fiqi gaashaandhiga loo dhiibo maalmo ka hor ayaa la isla gartay laakiin waxaa wareer ka taagnaa cida wasaarada arimaha dibada ka bixi karta ee isaga lagu badei karo taasoo ilaa iyo galabta soo gaaray waxaana ugu dambeyn madaxda sare isla garteen in Ra’iisulwasaare xigeenka iyo Wasiirka gaashaandhiga la isku badalo madaama ay isku reerna ka soo jeedaan.
XAFIISKA WARARKA
DAYNIILE.COM
Shir Amniga ku saabsan oo ATMIS iyo Hirshabelle ku dhex maray Jowhar
Jowhar, 27-April-2025: Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) ayaa shir-guddoomiyey kulan looga hadlayey ammaanka guud ee Dowladda Hirshabeelle.
Taliyaha Booliiska Gobolka Hiiraan oo balan-qaadyo u sameeyay Saldhiga Degmada Jawiil.
JAWIIL (DAYNIILE.COM)-Taliyaha Qeybta Booliiska Gobolka Hiiraan Col.Isaaq Cali Cabdulle oo uu wehliyo Taliyaha Booliska Baladweyne C/laahi Maxamuud ayaa gaaray Magaalada Jawiil oo aad ugu dhaw Magaalada Baladweyne ee Xaunta Gobolla Hiiraan halkasoo ay ku soo dhaweeyeen booliiska iyo bulshada Jawiil.
Taliye Isaaq ayaa gudaha saldhiga Jawiil wuxuu salaan sharaf kaga qaatay Booliiska saldhigaasi oo uu horkacayo Taliyaha.
Salaanta kadib Taliyaha oo hadalo kooban u jeediyay Booliiska saldhigaasi ayaa faray in tababarkii dhawaan ay qaateen ay ugu adeegaan bulshada ay ciidanka u yihiin iyo goob kasta oo loo wareejiyo.
Taliye Isaaq wuxuu aad ugu booriyay cidamada inay ku dadaalaan amniga Magaalada Jawiil isagoo dhanka kalana carabka ku adkeeyay in booliisku ogaadaan inay qaran u shaqeeyaan sidaas daraadeed hadii deegaankiisa laga qoro uusan u qaadan inuu halkaasi kalaiya ka shaqeyn doono.
“hadii Jawiil lagaa qorey macnaheedu maaha inaad halkaan kaliya shaqadaadu tahay, la socda waxaad tihiin ciidan qaran mar kasta waxaa loogu badeli karaa meel kasta oo Hirshabele ka tirsan”ayuu yiri Taliyaha
Sidoo kale Taliyaha ayaa ciidmada ka balan qaaday inuu ku dadaali doono sidii uu Dowlada uga soo qaadi lahaa dareys iyo gunada ay ku shaqeyn lahaayeen intaba.
Dhanka kale Gudoomiyaha Degmada Jawiil C/qaadir Cabdi C/lahi ayaa taliyaha iyo saraakiisha la socota ku soo wareejiyay qaar ka mid ah wadooyinka Jawiil si ay xaalada amni ugu kuur galaan.
Gudoomiyaha Degmada Jawiil iyo Taliyaha Booliiska Hiiraan ayaa aargada Jawiil waxay kula hadleen saxaafada iyo bulshada.
Gudoomiye C/qaadir oo ka mhadceliyay booqashada taliyaha ayaa xusay in taliyuhu u yimid u kuurgelida xaalada amni ee Magaalada.
Taliyaha ayaa isna dhankiisa sheegay inay soo mareen deegaanka Ceel-gaal kadibna ay Degmada Jawiil usoo gudbeen,wuxuu tilmaamay taliyuhu madaama dalku dagaal ku jiro inay wadaan u kuur gelida xaalada amni .
Taliyaha wuxuu ku amaanay reer Jawiil sidey diyaarka ugu yihiin ka qeybqaadashada dagaalada ka dhanka ah Alshabaab ee ka socda Gobolka Hiiraan.
XAFIISKA WARARKA
DAYNIILE.COM
Gudoomiyaha Baarlamaanka muxuu kala hadlay Safiirka Dalka Shiinaha
Dowlada Somalia oo fariin u dirtay Ganacsatada Shidaalka soo dejisa
MUQDISHO (DAYNIILE.COM)-War qoraal ah oo ka soo baxay Wasaaradda Bartoolka iyo Macdanta Xukuumada Faderaalka Soomaaliya ayaa farriin u dirtay ganacsatada soo dajiya Shidaalka.
Wasiirka wuxuu farayaa dhamaan ganacsatada shidaalka keenta iyo kuwa ka sii qaataba inay ilaaliyaan dhaqan gelinta xeer nidaaminta shidaalka kaasoo dhigaya in la ilaaliyo tayada shidaalka ee dalka la soo gelinaayo.
Xeer Nidaamintaan ayay wasaaradu soo saartay bishii March ee sanadkii 2023 intii uu joogay wasiirkii hore.
Qoraalka Wasaarada Batroolka ayaa sidan u qoran:-
SAWIRRO: Qarax weyn oo dad badan ku dhinteen oo ka dhacay Dekad ku taal Dalka Iran
Qarax weyn iyo dab ayaa shalay ka dhacay deked ku taal koonfurta Dalka Iran oo la sheegay in lala xiriiriyay shixnad walxo kiimikaad ah oo loo adeegsaday gantaalaha, kaas oo ay ku dhinteen 25 qof ayna ku dhaawacmeen ku dhawaad 800 oo kale.
Diyaarado Helicopters ah iyo diyaarado ayaa hawo ka caawinayay si loo bakhtiijo dabkii ka kacayay ilaa subaxnimadii Axada ee dekadda Shahid Rajeei.
Qaraxa ayaa dhacay xilli Iran iyo Mareykanka ay Sabtidii ku kulmeen Cumaan wareegii saddexaad ee wada xaajoodka barnaamijka Nukliyeerka ee Tehran ee sida xawliga ah u socda.
Dowlada Iran wali fah-faahin kama asan bixin iyo hadii ay jirto tuhun ah weerar la qorsheeyay oo kaga yimid banaanka.
Si kastaba ha ahaatee, xitaa wasiirka arrimaha dibadda ee Iran Abbas Arakchi, oo hogaaminayay wadahadalka, ayaa Arbacadii qiray in “adeegyada amnigu ay ku jiraan feejignaan sare marka loo eego dhacdooyin hore oo isku day ah oo la isku dayey in la dumiyo iyo hawlgallo dil ah oo loogu talagalay in lagu kiciyo jawaabo sharci ah.”
Warbaahinta dowladda ayaa soo bandhigtay tirooyinka khasaaraha, iyadoo maamulka uu aqoonsaday 10 ka mid ah dadka dhintay oo ay ku jiraan labo dumar ah.
Waxa ay sidoo kale sheegtay in dhaq dhaqaaqii dekadda ay dib u bilowdeen, kuwaasi oo muujinaya muuqaalada konteenarada markab ganacsi oo laga soo dejinayo.
Shirkadda amniga ee gaarka loo leeyahay ee Ambrey ayaa sheegtay in dekeddu heshay kiimikooyinka shidaalka gantaalaha bishii March.
Waa qayb ka mid ah shixnad ammonium perchlorate ah oo laga soo raray Shiinaha oo ay laba markab u rareen Iran, oo markii ugu horreysay ay soo warisay bishii Janaayo ee Financial Times.
Kiimikada loo isticmaalo in lagu sameeyo gantaalada adag ayaa loo isticmaali doonaa in lagu buuxiyo kaydka gantaalada Iran,kaas oo ay ka dhammaatay weeraradii tooska ahaa ee ay ku qaaday Israa’iil intii uu socday dagaalka ay Xamaas kula jirtay Marinka Gaza.
“Dabka ayaa lagu soo waramayaa inuu ka dhashay si aan habboonayn oo loo maareeyay shixnadda shidaalka adag ee loogu talagalay in loo isticmaalo gantaallada ballistic-ga ee Iran,” ayuu yiri Ambrey.
Falcelintii ugu horreysay ee Axaddii, Afhayeenka wasaaradda gaashaandhigga Iran Gen. Reza Talaeinik, ayaa beeniyay wararka sheegaya in shidaalka gantaallada laga soo dejiyay dekedda.
“Ma jiro nooc ka mid ah shixnadaha la soo dejiyay ama dhoofinta ee shidaalka ama dalabka militariga oo yaal (ama) goobta dekedda,” ayuu Afhayeenku u sheegay TV-ga qaranka
Afhaeeka wuxuu war aan sal iyo raad toona lahayn ku tilmaamay wararka Shisheeye ee ku saabsan Shidaalka Gantaalka in Dekada la keenay.
SOURCE AP (Associated Press)
XAFIISKA WARARKA
DAYIILE.COM
XOGTA: Madaxweyne Xassan oo Caawa Beesha Mudulood kala hadlay dagaalada
MUQDISHO (DAYNIILE.COM)-Warar ku dhaw dhaw Viila Somalia waxay sheegayaan inuu caawa ka dhacay kulan u dhexeeya Madaxweynaha Soomaaliya iyo Odayaasha dhaqanka Beesha Muddulood oo madaxweynuhu asal ahaan ka soo jeedo.
Madaxweyne Xassan oo caawa ka soo laabtay dalka Uganda oo lagu qabtay shir ay lahaayeen Somalia iyo dalalka ku jira howlgalka cusub ee AUSSOM ayaa kulan albaabadu u xiran yihiin wuxuu madaxtooyada kula yeeshay Odayasha Beesha Muddulood waxaana inta badan looga hadlay sida aan wararka ku helnay arimaha dagaalka ka dhanka ah Alshabaab.
Madaxweyne Xassan wuxuu Oayaasha u sheegay in reerku si dhab ah dagaalka alshabaab u galaan isagoona si gaar ah diirada u saaray in Alshabaab laga xureeyo deegaanada reerkaasi sida gaarka ah u degaan madaama alshabaab bilahaan danbe ay si gaar ah xoog u soo saareen dhulkaasi ayna waliba deegaano qabsadeen.
Odayaasha iyo Madaxweynaha waxaa la sheegay inay aad uga wada xaajodoeen n reerka oo kaashanaya xooga dalka ay xooga saaraan inay alshabaab dib uga soo celiyaan deegaanadii iyo degmadii ugu dambeysay ee aadan yabaal oo alshabaab dhawaan qabsadeen.
Kulankaani faah-faahin dheeraad ah wixii ka soo baxa wararkeena xiga ayaad ka;la socon doontaan insha allaah.
XAFIISKA WARARKA
DAYNIILE.COM
Cali Guud-laawe oo Caawa Wasiiro xilal ka qaaday kuwo kalana u dhiibay
news
