XIGASHO LAACIB.NET
Warbixin uu qoray The Telegraph ayaa sheegaysa in Manchester United iyo Chelsea ay ku dhowyihiin dhammeystirka heshiis gaari kara ilaa £40m kaas oo lagu kala wareegayo garabka reer Argentina Alejandro Garnacho.
21-jirkan ayaa loo sheegay inuusan mustaqbal ku lahayn Old Trafford, taasoo keentay in kooxda ay diyaar u noqoto iibintiisa.
Kooxda Blues ayaa diyaar u ah inay maalgelin ku sameyso laacibka, iyagoo tixgelinaya khibraddiisa Premier League iyo mustaqbalkiisa dheer. Waxaa sidoo kale la xaqiijiyay in ay sameeyeen hubin badan oo ku saabsan dabeecaddiisa, taasoo ugu dambeyntii lagu qancay.
Dhanka Garnacho, wuxuu doonayaa inuu helo waqti ciyaar joogto ah si uu fursad uga helo xulka Argentina ee Koobka Adduunka ee soo socda.
XIGASHO LAACIB.NET
