ASMARA (DAYNIILE.COM)-Ciidamada Badda Dalka Ereteria oo wata maraaiibta iyo doomanka dagaalka ayaa la soo sheegayaa inay dhaq dhaqaaqyo milateri ka bilaabeen badda Cas inkastoo aan la ogeyn ujeedka ka danbeeya.
Sawiro laga soo qaaday maraakiibta dagaalka Ereteria ayaa muujinaya iyagoo kolonyo ah oo safna ku jira islamarkaana dhaq dhaqaaqyo milateri sameynaya.
Dhaq-dhaqaaqyadaan ayaa imaaneysa xili xiisad adag ay ka dhex taagan tahay Itoobiya iyo Ereteria iyadoo Ra’iisulwasaaraha Itoobya uu si cad u sheegay inay wado kasta u marayaan sidi ay u heli lahaayeen marn badeed.
Abiy Axmed oo arintani ka hadlayay ayaan qarsan damaciisa wuxuuna sheegay inay saxayaan qaladkii sagaashameeyadii loogu ogolaaday inay Ereteria noqdaan dal ka madax banaan Itoobiya xili Baddiina ay dhankooda martay.
Abiy Axmed iyo saraakiisha ciidamada Itoobiya qaarkood ayaa warbaahinta si cad u sheegay inay Badda soo ceshanayaan taasoo keentay xiisad dagaal oo ka soo cusboonaatay xadka labada Dal walow wararkii ugu danbeeyay ay sheegayaan in Trump uu hada soo farageliyay xiisadaan lamana waxa uu ku xalin doono.
XAFIISKA WARARKA SIYAASADA
DAYNIILE.COM
