MUQDISHO (DAYNIILE.COM)- Askari ka tirsan Booliis Milataariyo ayaa la soo sheegayaa inuu saaka dilay oo nafta dhafiyay nin shacab ah oo ahaa darwal kaxeeya mid ka mid ah gaadiidka u safra Gobolada Dalka kadibkii dhaqaale lacageed la isku qabtay sida aan ogta ku helnay.
Gaariga uu watay ninka shacabka ah ee la dilay oo ah nuuca loo yaqaan Leyla-Calaawi sida aan sawirkaba ka arki kartaan gaariga laftigiisa uu raran ayna waliba ku diyaarsanaayeen dadkii uu gobolada u waday.
Allaha u naxariistee darawalka musaafarka ah ee la dilay waxaa magaciisa la oran jirey Carab Cali waana nin dhalinyaro ah cidna aan wax danbiya ka gelin, xogta sida aan ku helnay wuu baxsaday gacan ku dhiiglaha dilka geystay inkastoo hay’adaha amnigu ku holwan yihiin soo qabashadiisa.
Marxuumka oo lagu dilay bar koontarool oo ku taal cirifka u danbeeya ee Degmada Kaaraan ayaa wararka ugu badan waxay tilmaamayaan kaliya in loo dilay lacag baad ah oo $1 kaliya lagu sheegay.
XAFIISKA WARARKA SIYAASADAÂ
DAYNIILE.COM
