MUQDISHO (DAYNIILE.COM)-Banaan-bax looga soo horjeedo Dowlada gaar ahaan Maamulka Gobolka Banadir ayaa goor dhaw ka dhacay Xaafada Gubta Degmada Dayniile ee Magaalada Muqdisho kaasoo sababay inay halkaasi gaaraan Booliiska Dowlada ee Xaafadaasi ka howlgala.
Ciidamada waxay soo xir xireen shacabkii isu soo baxa dhigayay iyo wariyayaal u tagay halkaasi inay soo tebiyaan banaanbaxa inkastoo markii danbe wariyayaasha la sii daayay sida aan xogta ku helnay.
Xildhibaano ka tirsan kuwa ka soo jeeda Dayniile ee ku matala Baarlamaanka ayaa goor dhaw gaaray goobta dadka laga xir xirey iyagoona halkaasi shir ku qabtay inkastoo aanan wali ka helin faahaahin dheeraad ah.
Si kastaba shacabka dhigayay bannaannaxa ayaa ka careyan maamul uu dhawaan Guddoomiyaha Gobolka Banaadir u magacaabay Gubta oo aysan raali ka ahayn sida uu u maareeyay dhismaha maamulkaasi.
XAFIISKA WARARKA SIYAASADA
DAYNIILE.COM
DAYNIILE.COM
