LAMU (DAYNIILE.COM)-Ciidamada Kenya ayaa la soo sheegayaa inay Alshabaab badan ku dileen howlgal ay ka sameeyeen Keynta ama duurka Booni oo ka tirsan magaalada xeebeedka Lamu , goobta iska hor imaadku ka dhacay ayay fariisin lahaayeen dagaalyahanada Alshabaab.
Warar ay qoreen wargeysyada Kenya ayaa lagu shaaciyay in ciidamadu howlgalka ku dileen ilaa 5 ka tirsan kooxda Alshabaab kadib iska hor imaad toos ah oo dhex-maray,khasaaraha dhanka Kenta warbixinta laguma sheegin.
Wararka dhanka kenya laga helayo waxay sidoo kale sheegayaan in Alshabaab laga qabsaday hub iyo qaraxyo la sheegay inay doonayeen inay ku weeraraan ciidamada Kenya.
Inta badan kooxda Alshabaab ayaa aagaasi waxay ka geysan jireen qaraxyo ay u dhigaan ciidamada Kenya, howlgalkaan waxay ciidamada kenya ku doonayeen inay ka hortagaan qorshayaasha Alshabaab.
XAFIISKA WARARKA SIYAASADA
DAYNIILE.COM
