Kolonyo gaadiid ah oo ay wateen ciidamo Maraykan ah oo sahay u waday ciidamada kale ee Maraykanka ah ee jooga dalka Ciraaq ayaa lagu weeraray magaalo ku taala bartamaha dalkaas.

Wararku waxay sheegayaan in koox hubeysan oo la baxday ciidamada wax iska caabinta Ciraaq inay ciidamada weerareen ayagoo maraya meel banaanka ka ah magaalo la yiraahdo Musaayib oo ka tirsan gobolka Baabil.

Warbaahinta Ciraaq oo soo xiganaysa saraakiil Maraykan ah ayaa sheegay inuu jiro khasaaro nafeed oo soo gaaray ciidamada la weeraray hase ahaatee faafaafin lagama bixin inta uu gaarsiisanyahay.

Dhanka magaalada ku taala waqooyiga dalka Ciraaq ee Koojo oo ka tirsan gobolka Sinjar maanta waxaa lagu aasay meydadka dad gaaraya 104 ruux oo qawmiyada Yasiidiyiinta u dhashay kuwaasoo sanadkii 2014 ay dileen dagaalamayaal ka tirsan ururka Daacish.

 

 

LEAVE A REPLY

Please enter your comment!
Please enter your name here