Ciidamada Kumaandooska xoogga dalka ayaa howlgal qorsheysan ka fuliyay degaano katirsan Gobolka Galgaduud, halkaas oo la sheegay inay ku sugnaayeen Xubno katirsan Ururka Al-Shabaab.

Howlgalka ayaa Ciidamada waxaa ay sigaar ah uga fuliyeen  Dhul howd ah oo kuyaalla degaanka Cali Seer oo ku dhawaad 20 km dhanka Bari ka xiga degaanka Ceelhareeri oo hoostaga degmada Galcad ee Gobolka Galgaduud.

Advertisement

Saraakiil katirsan Ciidamada xoogga dalka ayaa waxaa ay Warbaahinta u sheegeen in howlgalka uu ka dambeeyay kadib markii ay heleen xog ku saabsan inay degaanka Cali Seer iska aruursanayaan Xubno Al-Shabaab ka tirsan si ay weeraro u fuliyaan.

Waxaa ay sheegeen inay burburiyeen Saldhigyadii ay Al-Shabaab ku lahaayeen degaanka Cali Seer, sidoo kalena howlgalka ay kudileen Xubno katirsan wallow aan faah faahin rasmi ah laga helin.

Al-Shabaab ayaa dhowr jeer weeraro ka geystay degmada Galcad iyo degaannada hoostaga, halkaas oo kamid ah Goobihii ay Ciidamada dowladda kala wareegeen Al-Shabaab oo muddo tobanaan sano ah Maamulayay.

Previous articleMadaxweyne Xasan Sheekh oo Shir uga qeyb galaya Talyaaniga
Next articleDEG DEG: Qarax Ismiidaamin ah oo ka dhacay Muqdisho iyo faah faahin laga helay

LEAVE A REPLY

Please enter your comment!
Please enter your name here