LAAS-CAANOOD (DAYNIILE.COM)-Waxaa hada Laas-caanood lagu sii qul qulayaa hoolka ay ka dhaceyso doorashada Madaxweynaha maamulka Waqooyi Bari Somalia iyadoo 5 musharax ay u taagan yihiin xilka Madaxweynaha halka 5 kalana ay u taagan yihiin madaxweyne ku xigeen.
Musharixiinta ayaa intooda badan goor dhaw waxay soo gaareen hoolka doorashadu ka dhacetso iyadoo lagu wado in wax yar kadib au bilaabato Doorashada.
Hogaamiyaha hada xilka haya C/qaadir Firdhiye oo wariyayashu kaga hortageen hoolka inta uusan gudaha u galin ayaa isagoo aad u faraxsan wuxuu muujiyay sida uu isugu kalsoon yahay oo uu u rajeynayo in xildhibaanadu isaga doortaan.
“Sidaad ogtihiin waxaan ahay musharax u taagan xilka Madaxweynaha Maamulka Waqooyi bari,waxaan dareemayaa inaan ahay qofka mudan inuu mar kale hogaamiyo Maamulka”ayuu yiri C/qaadir Firdhiye
Sidoo kale Musharax Jamaal ayaa isna muujiyay rajadiisa inuu guuleysto,sidoo kale wuxuu sheegay inuu la shaqeyn doono Maamulka hadii isaga ;laga guuleysto.
Waxaa sidaas oo kale wariyayaasha la hadlay Musharax Dr Khaliif kaasoo dhankiisa muujiyay in rajadiisu aad u sareyso.
XAFIISKA WARARKA SIYAASADAÂ
DAYNIILE.COM
