MUQDISHO (DAYNIILE.COM)-Ra’iisulwasaarihii hore ee Somalia Cumar C/rashidi ayaa aah-faahin ka bixiyay waxyaabaha ay Dowlada ka heshiiyeen marka la eego nuxurka warmurtiyeedka ay goor dhaw soo saareen.
Cumar C/rashiid wuxuu sheegay in Mucaaradka samatabixinta iyo Dowlada isla qaateen 70% wixii ku jiray cutubkii afaraad oo ahaa qodobkaugu adkaa ee la isku hayay intii ay socdeen kulamadii Dowlada iyo mucaaradka.
“70% wixii ku jiray cutubkii afaraad waa isla qaadanay, sida Madaxweynuhu inuu noqdo Madxweyne Baarlamaanka soo doorto, Ra’iisul Wasaaraha inuu Madaxweynuhu magacaabo, awoodda kalsooni siinta iyo ka qaadista inay Baarlamaanka leedahay” ayuu yiri Cumar C/rashiid
Dhanka kale Mucaaradka samatabixinta Garabka Sharii Sheekh ayaa lagu wadaa inay degdeg uga jawaabaan Warmurtiyeed-ka agacooda lagu soo saaray inkastoo ay kala boodeen mucaaradku.
XAFIISKA WARARKA SIYAASADA
DAYNIILE.COM
