Madaxweynaha Dowlada Jubaland Mudane Axmed Maxamed Islaam, ayaa saaka quraac sharafeed Xarunta Madaxtooyada ugu sameeyay xidigaha xulka kubada cagta Jubaland.
Madaxweynaha ayaa masuuliyiinta Wasaarada Dhalinyarada iyo Ciyaaraha iyo xiriirka kubada cagta ka dhagaystay shaqooyinkii baaxad lahaa ee bilihii lasoo dhaafay ay wadeen iyo diyaar garowga xulka kubada cagta ee ciyaaraha Dowladaha xubnaha ka ah JFS ee dhawaan bilaabanaya.
Madaxweynaha ayaa guul u rajeeyay xulka isagoo sheegay in ay garab taagan yihiin dhammaan shacabka iyo Dowlada Jubaland isla markana ay rajo weyn ka qabaan in guul weyn ay soo hoyin doonaan.