MUQDISHO (DAYNIILE.COM)-Muuqaal laga soo duubay Degmada Shibis ee Magaalada Muqdisho ayaa muujinaya fal aad u fool xun sida ay shacabka Degmadu ku sheegeen cabashadooda walow Dowladu wali ka hadlin jiritaanka cabashadaasi.
Reer Shibis waxay sheegeen in Dowladu maanta qaar ka mid guryaha degmadaasi ka fujiyeen albaabadii ganjeelka ahaa kadib markii shacabku diideen lacag dheeraad ah oo laga rabay,iyadoo wararka qaar sheegayaan in Dowladu dooneyso in lacagta lagu saaro wadooyinka xaafadaha interlock si quruxda Degmadu kor ugu kacdo balse shacabku awoodi wayan lacagta.
Lacagata Shacabku awoodi waayeen ayaa lagu sheegay inay tahay kun doolar oo guri kasta la dul dhigay, qoys kasta oo lacagta ka madax adeygayna waxaa laga fujiyay albaabka kore ee guriga laga soo galo halka shalayna baraha bulshada lagu shaaciyay in qoysaska laga xiranayay guryaha.
lama oga sida Hay’adaha amniga iyo maamulka Degmada uga jawaabi doonaan cabashadaan shacabka ka soo baxeysa oo hadii ay jirto Dowlada ku keeni karta inay waydo kalsoonida shacabka.
XAFIISKA WARARKA SIYAASADA
DAYNIILE.COM
