MUQDISHO (DAYNIILE.COM) Ra’iisulwasaaraha Somalia Xamza Cabdi Barre ayaa maanta mar kale booqday garoonka diyaaradaha Adan Abdulle ee Magaalada Muqdisho oo dhawaan uu maamulka garoonka iyo Wasiirka Duulista ku canaantay adeeg xumida bulshada.
Xamze wuxuu booqashadaasi hore ku amray mudo laba asbuuc ah in wax looga qabto nadaafad xumida musqulaha iyo sidoo kale in la cilad bixiyo mashiinka boorsooyinka lagala dego oo gabi ahaanba fadhiyay.
Xamza markuu maanta booqday Garoonka waxaa uu soo arkay in aad wax looga qabtay nafaafad xumidii musqulaha sidoo kalana mashiin cusub lagu badalay mashiinkii hore ee fududeeya in qof kasta boorsadiisa uu si sahlan ku soo helo.
Dhanka kale Ra’iisulwaaaraha wuxuu soo arkay cilad aan wali wax laga qaban taasoo ah dhanka korontada iyadoo kuleyl badan uu ka jiro dhamaan qaboojiyayaasha hoolalka dadku ku sugaan diyaarada.
Ra’iisulwasaaraha ayaa mar kale wuxuu canaan kala dul dhacay maareeyaha garoonka iyo Wasiirka Duulista hawada,wuxuuna ku amray hal asbuuc lagu hagaajiyo.
“Korantiistayaal Soomaali ah ayaa Muqdisho joogo oo shaqa la’aan ah iyaga qandaraaska hala siiyo, suurtagal maaha in la dhaho Japan baa laga sugayaa “ayuu yiri Ra’iisulwasaare Xamza
XAFIISKA WARARKA SIYAASADAÂ
DAYNIILE.COM
