BAYDHABA (DAYNIILE.COM)-Wararka ka imaanaya Magaalada Baydhabo ee Xarunta Maamulka Koofur-Galbdeed ayaa sheegaya in saaka xaaladu degan tahay kadib dagaalo xooggan oo shalay ka dhacay halkaasi taasoo keentay khasaare dhimasho iyo dhaawac isugu jira oo soo kala gaaray dhinacyadii dagaalamay iyo shacabka.
Warar kale laga helayo Baydhaba ayaa sheegaya in Saaka shacabka Magaalada Baydhaba qaarkood laga celcelinayo gurigii Wasiirka Xanaada Xoolaha ee Xukuumada Somalia Xasan Eelaay, ciidamada amaanka ayaa ka hor taagan.
Shacabka badan ee ku soo xoomay guriga lama yaqaan ujeedkooda dhabta ah, inay doonayaan daawashada guriga madaama uu yahay halkii dagaalka ugu cuslaa uu ka dhacay waxaana ka muuqda burbur xoogan sida aad muuqaalkaba ku arki karto.
Ciidamada waxay xooga saareen amniga guriga iyo hantida dhex taal walow ciidamadii wasiirka ilaalada u ahaa laga eryay, waxaana hada ku sugan ciidamada Maamulka Koofur-Galbeed markii ay shalay dagaal kula wareegeen.
XAFIISKA WARARKA SIYAASADA
DAYNIILE.COM
