BALAD-XAAWOÂ (DAYNIILE.COM)-Wararka ka imaanaya Magaalada Balad-xaawo ee Gobolka Gedo ayaa sheegaya in saaka aroortii hore halkaasi maleeshiyaad hubeysani ku dileen ilaa 5 ruux oo askari iyo shacab isugu jira xili magaaladaasi ay maamuleyso Dowlada Soomaaliya.
Xogta aan heleyno ayaa sheegeysa in dilalkaani dhamaantood aano qabiil salka ku hayaan , 4 ka mid ah dadka ayaa saaka hal goob lagu dilay gaar ahaan xaafada 8-daad iyadoo laba ka mida ay walaalo ahaayeen, mana jirto wax talaabo ah oo ay wali qaadeen ciidaamada Dowlada ee xaruntoodu tahay Xera UK.
Sidoo kale askari Dowlada ka tirsan oo Booliis ahaa ayaa isagana lagu dilay xaafada qansax ee isla Magaalada Balad-xaawo, dhamaan kooxaha dhibaatada geystay ayaa baxsaday.
Si kastaba Ciidamada Milaterigaa,Nabad sugida iyo Booliiska Dowlada ee Magaalada Balad-xaawo ayaa lagu wadaa inay talaabo degdeg ah ka qaadaan kooxaha dilalka ka sameeyay xaafadaha Magaalada Balad-xaawo ee Gobolka Geddo.
XAFIISKA WARARKA SIYAASADA
DAYNIILE.COM
