MOQOKORI (DAYNIILE.COM)-Wararka laga helaayo xadka gobolada Hiiraan iyo Shabeelaha dhexe ayaa sheegaya in dagaal xoogan uu dib uga qarxay saaka aaga deegaanka Ceel-hareeri ee Gobolka Hiiraan.
Dagaalkaan oo ah mid culus wuxuu yimid kadib markii macawisleyda Beesha Xawaadle weerar ku qaadeen Alshabaab iu sugnaa halka lagu magacaabo Garas-megan oo dhacada duleedka Ceel-hareeri.
Macawisleyda Xawaadle ayaa weerarkaani waxay dhowr jiho kaga qaadeen Garas-megan oo wararka sheegayaan in Alshabaab halkaas ku diyaarinayee weerar ay ku soo qaadaan deegaanka Ceel-hareeri balse ay ka hortageen macawisleydu .
Daryanka rasaasta iyo hugunka madaafiicda laga maqlaayo Degmada Adan Yabaal oo ku dhaw halka dagaalku ka socdo,ma jirto wax khasaare ah oo ilaa iminka la soo wariyay.
Dagaalada ka socda aagaan ayaa shalay yara qaboobay xili doraad ay ahayd markii xitaa duqeyn alshabaab loo geystay looga dilay saraakiil sar sare oo caan ahaa.
Dhanka kale waxaa sii kordhaya dagaalada u dhexedya Alshabaab meelo badan isaga yimid iyo macawisleyda Xawaadle xili ay meesha ka maqan tahay kaalintii Dowlada dhexe iyadoo aaney jirin gurmad ciidamada xooga ay gaarsiinayaan agaga dagaalku ka socdo marka laga reebo diqeymaha dhanka cirka oo Dowladu hageyso.
XAFIISKA WARARKA SIYAASADA
DAYNIILE.CON
