CAL-MISKAAD (DAYNIILE.COM)-Wararka ka imaanaya Gobolka Bari ayaa sheegaya in ciidamada Daraawiishta Puntland ay saacadihii la soo dhaafay gaareen guulo kale marka la eego dagaalka ay kula jiraan kooxda Daacish ee Somalia ka dagaalanta.
Sida warbaahinta Puntland lagu shaaciyay ciidamada ayaa deegaano hor leh ka saaray dagaalamayaasha Daacish oo hada waqtigoodu dhamaad ku sii dhaw yahay madaama inta ugu badan laga saaray buuraleyda Gobolka Bari oo ay ku dhuumaaleysan jireen.
Deegaanada ugu danbeeya ee Ciidamada Puntladn ka qabsadeen Daacish waxaa ka mid ah Ceelka Idakacab ee tog weynaha Baallade.
Dagaalkaani waxay sidoo kale ciidamada Puntland ku laayeen qaar ka mid ah dagaaamayaasha kooxda Daacish, Khasaaraha gaaray dhanka ciidamada Puntland saraakiishu kama hadlin oo ma soo hadal qaadin.
XAFIISKA WARARKA SIYAASADA
DAYNIILE.COM
