MUQDISHO (DAYNIILE.COM)-Maareeyaha Hay’adda Duulista Rayidka, Axmed Macallin Xasan ayaa goor dhaw wareysi siiyay Radaadiyaha Dowlada Somalia wuxuu kaga hadlay diyaaradii milateriga ahayd ee saaka ku soo dhacday garoonka diyaaradaha Muqdisho.
Maareeyaha Hay’adda Duulista Rayidka, Axmed Macallin Xasan wuxuu cadeeyay in diyaarada soo dhacday ay tahay nuuca heyla-kobtariska ee ay adeegsadaan ciidamada midowha Afrika ee AUUSOM,islamarkaana ay subax walba ka imaan jireen dhanka garoonka balido ayna soo gaari jirtay garoonka Muqdisho
Mareeyaha wuxuu shaaciyay in diyaaradu ku soo dhacday garoonka diyaaradaha Xamar qeybta Afisyooni islamarkaana xaalada garoonku tahay mid caadi ah isamarkaana shaqadu socoto.
“burburka diyaarada wuxuu saameeyay qeybta afisyooni waxaana xirnmay ilaa lix mitir wadada Run-weyga oo uu gaaray fanfaniinka qaraxa diyaarada , Garoonka diyaaradaha inta soo hartay way ku filantahay in diyaaraduhu soo degaan”ayuu yiri Maareeyaha
Sarkaalkaan wuxuu intaasi ku daray in diyaaradaasi ay la socdeen iala 8 askari oo AUSSOM ka tirsan walina uusan wax faahfaahin ah ka helin hadii ay dhinteen iyo hadii ay bad-baadeen.
“Daallo dhanka badda ayaan ka soo dejinay oo waa soo degtay sidoo kale Turkish Airay way soo degeysaa hada, si kastaba waxaan isku dayaynaa inaan nadiifino haraaga burburka diyaarada”ayuu yiri
Dhanka kale wuxuu cadeeyay in qiiqu sii yaraanayo oo saaka mar uu saameyn ku yeeshay diyaaradaha soo degaya aragidooda.
XAFIISKA WARARKA
DAYNIILE.COM
